1 SAMUIL 2:29 - Tanou Moonsoi Timugon

²⁹ Kaa' kua kia lakat kou poyo mangangkum ra taak am taak simbalui ondo' pinataak ru ulun Kuno Raki'? Mapataak ilo ra ngaangai' no Raki' sumugut ra susuban Kuli risilo. Okou Ili, kua kia okou mangurumat poyo ra anak-anak muno intor ra mangurumat Raki', am nompoloso risilo liminomok ra tayar moonsoi kaga' intor ra moonong taak simbalui ondo' pinataak ru ulun Kuno Raki'?

1 SAMUIL 2:29 ပူးပေါင်းရင်းမြစ်များ

2 RAJA'-RAJA' 12:6

Kaa' saboi ra bilor karuo ngoopor am talu ru pamarintaan ru Raja' Joas, imam-imam no lakat poyo kalo namuna' ra nangalunsai giu' ra Baloi ru Tuhan.

MAZMUR 26:8

Iou Tuhan, tagamin ku baloi ayanan Muno, intok ondo' natikop ra katulayan Muno.

YEHEZKIEL 13:19

Magasab kau Raki' ra saang ru ulun Kuno koson makaalap ra sogonggom barli am kukula' ruti'. Ulun ondo' kalo musiti' matoi, potoyon min am ulun ondo' kalo musiti' maayag, polosoon min maayag. Akau pana nagabau ra ulun Kuno am mangintopot ilo ramuyun.’ ”

YEHEZKIEL 34:10

Aku, Tuhan Raja', mampatanou ra Aku pantula' min. Alapon Ku domba-domba Kuno intor ramuyun, am domba-domba kalo boo palansanin ramuyun. Kalo boo mangiou Aku ramuyun magalung ra kaatangan min galama' ayuk. Bayagon Ku domba-domba maa' raginio kalo masauk ra akanon min.’ ”

YEHEZKIEL 34:2

“Okou ulun mapandai matoi, ulaso' raja'-raja' ru Israil. Panala' no am posoboyo' atan ondo' paraguon Kuno, Tuhan Raja' risilo, ‘Aibui boo ramuyun, akau magagalung ru Israil. Alungin min ayuk kaatangan min galama' am sala' ka kaatangan ru domba-domba.

GOSIA 4:8

Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

MATIUS 22:16

Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

LUKAS 14:26

“Osoi ayuk matong Raki' no, kalo masauk ra maamaya' Kuno amon ru kalo motogom io toojo Raki' intor ra togom no ra ina' nano, ama' nano, andu' nano, anak-anak nano, pinongkotob no ra ungkuyon am ruandu' am kaayagan nano galama' pana.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JOSUA 18:1

Kopongo minayan ra pagun Kanaan, timung ngaangai' ulun ru Israil giu' ra Silo, am nopotolorog ra Kim ru Tuhan.

1 SAMUIL 3:13

Nambala' Aku noyo riso ra mangukum Aku ra sasambaloi nano ra mantilayun, sabap ra anak-anak nano nagasab Raki'. Nakapandai i Ili ra binaal nilono, kaa' kalo ininggalaran no ilo.