1 SAMUIL 2:20 - Tanou Moonsoi Timugon

²⁰ Barakato' boo ri Ili no i Ilkana am andu' nano, am niayuk mindagu ri Ilkana, “Gama' ru Tuhan no manaak rirun ra anak ra bokon intor ra andu' muno ragitio, koson suali ru anak ondo' pinataak min noyo ra Tuhan.” Kopongo raginio minuli' ilo ra Rama.

1 SAMUIL 2:20 ပူးပေါင်းရင်းမြစ်များ

KASAUKAN 14:19

Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

RUT 2:12

Gama' ru balasin ru Tuhan nansalinut kaansayan muno. Gama' ru apuon mu atan ayuk pana ondo' taakin rirun ru Tuhan, i Aki Kapuuno' ru Israil sabap ra minatong kou koson siminindung Riso!”

RUT 4:11

Ngaangai' tingganai ru bandar am niayuk ngaangai' ru ulun soroi ra giu' i, mindagu, “Ba iou, akai no sasi'. Gama' ru Tuhan mapasauk ra andu' muno koson ri Ragil am i Liya, ondo' naganak ra masuang anak ri Jakub. Gama' ru masauk kau langkaya' ra popolos ru bansa' ru Iprata am mauligan kaga' giu' ra Bitligim.

1 SAMUIL 1:11

Kopongo raginio rinagu ri Ana rondo' bantu', kono, “Iou Tuhan Ondo' Maayo Kaga' Kuasa', ilai' noyo ulipon Mutu. Ilai' noyo kapaganan kutu, am karaa' aku no. Pai' aku liliani'. Amon ru manaak Kou raki' ra sangulun anak ungkuyon, bantuon ku ra mapataak riso Rirun buoi ru bayag nano, am abuk nano kalo lamparin.”