1 SAMUIL 2:18 - Tanou Moonsoi Timugon

¹⁸ Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 2:18 ပူးပေါင်းရင်းမြစ်များ

2 SAMUIL 6:14

Nansasayau Raja' Daut ra guang maantak kaga' koson mangurumat ra Tuhan. Paat raginio nongkonoon io ra konoon linon mariwa' ondo' pinabangkos ra awak nano.

1 TUNUNG RU BANSA' ISRAIL 15:27

Paat raginio Raja' Daut nansukub intor ra konoon linon malumis. Koon raginio niayuk ra bayang ru ulun mangkukuli ra miujik am i Kinanya, tingganai nilo, am niayuk ngaangai' ulun ru Liwi ondo' nangkayang ra Kaban no. Raja' Daut niayuk nambayang ra efod intor ra konoon linon.

KAINGKUALAN 28:4

Susubo' ilo mambaal ra utau, efod, sukub, sukub aniin ra sulam, serban am abot. Musiti' ilo mambaal ra bayang ru imam no ra maayo muno i Arun am anak-anak nano maa' raginio makapangandoi ilo ayuk Raki' koson ra imam.

IMAMAT 8:7

Kopongo raginio pambayango' ri Musa i Arun ra bayang imam: bayang maayo, sukub am abot. Pabayango' no niayuk efod no ri Arun. Efod no binangkos ri Musa ra abot ondo' tinuyu' ra awak ri Arun.

1 SAMUIL 14:3

(Imam ondo' nagibit ra efod paat raginio iono i Agiya anak ri Agitub, akupu ri Pinigas anak ri Ili; i Ili ti iono imam ru Tuhan giu' ra Silo. I Agitub ti iono pabukat ri Ikabod.) Kolondo' sangulun ra giu' no naala' ra minugar noyo i Jonatan intor ra intok raginio.

1 SAMUIL 2:11

Kopongo raginio minuli' i Ilkana ra baloi nano giu' ra Rama, kaa' i Samuil, anak no minayan giu' ra Silo am mangandoi ayuk ra Tuhan inalungan ru Imam Ili.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.

1 SAMUIL 22:18

Ginio ra indagu Raja' Saul ri Doig, “Okou noyo mamatoi risilo!” Pinatoi boo ri Doig no ngaangai' ru imam no. Paat ra orou raginio namatoi io ra balu' ngoopor am limo ngaulun imam ondo' iniou mambayang ra efod.

1 SAMUIL 3:1

Liliwa' raginio, i Samuil ondo' lalaing ayuk poyo, tatanga' mangandoi ayuk ra Tuhan no inalungan ri Ili. Paat raginio sanganuan ayuk toojo mokoondo' ra ragu am intalangan intor ra Tuhan.