1 SAMUIL 2:16 - Tanou Moonsoi Timugon

¹⁶ Amon ru tumaam ulun no, “Moonsoi gagayaan takau aturan am solobon galing lomok no; malupus raginio alapon mu boo atan ondo' kasagaan muno,” am mindagu ulipon no, “Kalo! Taaki' kual no raki' raino niayuk! Amon ru kalo, jajalin ku alapo'.”

1 SAMUIL 2:16 ပူးပေါင်းရင်းမြစ်များ

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

IMAMAT 3:16

Imam ondo' mangandoi monolob ra ngaangai' no rasawat ru altar. Owou ru taak ra akanon no mapabansuk ra guang ru Tuhan. Ngaangai' lomok ru bibiag iono tayar ru Tuhan.

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

TINGGANAI RU BANSA' 18:25

Indagu ulun ru bansa' ru Dan riso, “Pongkoror! Amon ru kalo, sumangit ngaangai' ulun ti am mamulunsar rirun. Magu' okou am ngaangai' sasambaloi muno matoi.”

1 SAMUIL 2:15

Mambai-ambai poyo, ulipon no matong ra kalo poyo malilip lomok ru bibiag no koson solobon, am mindagu io ra ulun ondo' mapataak ra taak simbalui no, “Taaki' kual ondo' makata' ayuk poyo no ra imam maa' raginio solobon no; kalo masaga' io mangapu ra kual ondo' tinanok noyo.”

1 SAMUIL 2:17

Koon raginio noyo karuruo anak ri Ili no makatula ra maayo ra pagilangan ru Tuhan, sabap ra magasab ilo ra taak simbalui no ra tayar ru Tuhan.