1 SAMUIL 2:1 - Tanou Moonsoi Timugon

¹ Kopongo raginio pakiasi' i Ana, “Napakaansuk Tuhan no ra guang kutu; mapara' boo bansuk kutu, sabap ra atan ondo' binaal Nano raki'. Raino kuritin ku pantula' kuno; mapara' boo bansuk kuno sabap ra nangindangan noyo i Aki Kapuuno' no raki'.

1 SAMUIL 2:1 ပူးပေါင်းရင်းမြစ်များ

2 TUNUNG RU BANSA' ISRAIL 20:27

Koon raginio noyo Raja' Josapat naningganai ra saujor nano siminaguli' ra Jirusalim nabaya' ra kamanangan, sabap ra Tuhan nangala ra pantula' nilo.

NIGIMIA 11:17

I Matanya anak ri Mika, akupu ri Jabdi, papag ri Asap. Io no tingganai ru ulun-ulun maririmbai giu' ra Baloi ru Tuhan paat marimbai ra pakiasian paringkuanangan. I Bakbukia, iono mangindangan ri Matanya. I Abda anak ri Samua, akupu ri Galal am papag ri Jidutun.

AYUP 16:15

Mambayang aku ra konoon karung tatandu' kangilukan, manturung aku ralimbou ru kaau sabap ra kinala.

MAZMUR 118:14

Sinauk aku ru Tuhan ra mapanggol am maikang; binayag No aku.

MAZMUR 13:5

Pai' polosoo' pantula' kuno mindagu ra nangala ilo raki'. Pai' polosoo' ra ilo magasab raki'.

MAZMUR 148:14

Kinaikang No ulun Nano, maa' raginio omporon Io ru ngaangai' ulun Nano, ulun ru Israil ondo' tinagaman Nano. Omporo' noyo Tuhan!

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 20:5

Gama' ru manaak Io rirun ra atan gogoton muno am suguton no nansalinut guangon muno.

MAZMUR 21:2

Maansukan raja', iou Tuhan, ra Okou napaikang ra raja'; maansukan raja' ra namanangan ondo' pinataak Muno riso.

MAZMUR 35:9

Aku pana maansukan sabap ra Tuhan; maringkuanang aku sabap ra Tuhan namayag raki'.

MAZMUR 51:15

Aku pana mangila' ra panusuban Muli ra ulun makatula, maa' raginio sumaguli' ilo Rirun.

MAZMUR 71:8

Songorowon ku mongompor Rirun am mapatanou ra katulayan Muno.

MAZMUR 75:10

Kaa' kalo langgain ku mapatanou ri Aki Kapuuno' ri Jakub, kapoam marimbai ra rimbai pangamparan Riso.

MAZMUR 89:17

Monsongorou ilo maansukan, am mongompor Rirun sabap ra kinoonsoi Muno.

MAZMUR 89:18

Inanian Mu akai ra kamanangan maayo; sabap ra kinoonsoi Muno, pinasauk Mu atan ondo' gogoton mai.

MAZMUR 89:24

Kuriopolon Ku pantula' nano, am potoyon Ku ngaangai' ulun ondo' masisang riso.

MAZMUR 9:14

Pakaasi' no raki', iou Tuhan! Ilai' noyo, pantula' kuno ondo' mangimbolo' raki'. Bayago' aku no intor ra kapatayan, iou Tuhan,

MAZMUR 92:10

Makapandai akai ra pantula' Muno pusoon, am ngaangai' ulun malaat kalaan.

KAINGKUALAN 15:1

Parimbai boo i Musa am ulun ru Israil ra rimbai ti ra Tuhan, “Masaga' ku rimbayin Tuhan sabap ra namanang Io ra moonsoi kaga'; namatir Io ra kuda am ondo' kiminura' ra kuda ralalom ru raat.

KAINGKUALAN 15:21

Rinimbayan ri Miriam ilo, “Rimbayi' min Tuhan sabap ra moonsoi kaga' kamanangan noowot Nano; Namatir Io ra kuda am ulun nangura' ra kuda ralalom ru raat.”

ABAKUK 3:1

Gitio noyo pakiasian ri Nabi Abakuk:

ABAKUK 3:18

masalok aku maansayan am maansukan, sabap ra Okou Tuhan i Aki Kapuuno' mamayag raki'.

LUKAS 1:69

Nanusub Io ra Mamamayag ondo' maikang matong ritakau, intor ra papag ru raja' Daut, ulipon Nali.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

SAGULION 33:17

Mokoondo' i Jusup ra kaikangan ru sapi' gawayan, am sangau ru sapi' gawayan ru kataunan. Sangau nano papag ri Manasi ondo' riribu, am papag ri Ipraim ondo' kaaparan ribu. Ra ngaangai' ulun ti nanangau io ra bansa'-bansa', am napagiru' risilo saboi ra pompor ru tana' ti.”

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

1 SAMUIL 1:6

Masalok i Ana sindualin am asabin ri Pinina, paguntu nano sabap ra Tuhan kalo nanaak ri Ana ra anak.

1 SAMUIL 1:7

Baal raginio nasauk ra bibilor buoi no. Pogonong ra ilo minongoi ra baloi ru Tuhan, masalok i Pinina naparuol ra guang ri Ana saboi mantangi' i Ana am marara' mangakan ra atan pana.