1 SAMUIL 19:7 - Tanou Moonsoi Timugon

⁷ Kopongo raginio nampiau i Jonatan ri Daut am nambala' riso ra ngaangai' sinunur ra raitii' ni. Ibito' boo ri Jonatan i Daut ra Raja' Saul, am nangandoi i Daut ra Raja' Saul koson ragili.

1 SAMUIL 19:7 ပူးပေါင်းရင်းမြစ်များ

KASAUKAN 31:2

Nakito niayuk ri Jakub ra kalo boo masamba i Laban riso koson ragili.

1 TUNUNG RU BANSA' ISRAIL 11:2

Intor ragili, am poyo paat ra Raja' Saul lakat poyo namarinta ramon, okou naningganai ra saujor ru Israil giu' ra intok pangayawan. Am poyo ra Tuhan i Aki Kapuuno' muno raja' nambantu' ra okou raja' naningganai ra ulun Nano am nasauk ra mamarinta risilo.”

KAINGKUALAN 4:10

Kaa' indagu i Musa ra Tuhan, “Iou Tuhan, pai' aku susubo'. Aku sala' ka ulun matanda' mindadagu, ragili am iou pana raino, kabalu' pana mindagu Kou noyo raki'. Kalo matanda' ra aku mindagu, malambayut mindagu am kalo masail ku toojo.”

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

1 SAMUIL 16:21

Kon raginio noyo i Daut minatong ra Raja' Saul am nangandoi riso. Naansayan kaga' Raja' Saul ri Daut, am nampili' riso nasauk ra magibit ra kinandoi mangayou nano.

1 SAMUIL 18:10

Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.

1 SAMUIL 18:13

Raja' Saul pana napabanding boo ri Daut intor ra ralalom ru istana am pinili' no nasauk ra tingganai ru pulalai ra saribu ngaulun saujor. Naningganai i Daut ra pulalai nano ralalom pangayawan,

1 SAMUIL 18:2

Intor ra orou raginio, nanusub Raja' Saul no ri Daut mayan simpung riso, am kalo mataak no io muli' ra baloi ru ama' nali.

1 SAMUIL 19:6

Nalimanan ru Raja' Saul no nalupus nokorongog ra ragu ri Jonatan no, am nagibot io ralalom inggalan ru Tuhan ra kalo mamatoi io ri Daut.

1 SAMUIL 19:8

Kopongo raginio nasauk saguli' pangayawan ra ulun ru Palistin. Binulunsar am kinala ri Daut ulun ru Palistin liningon saboi ra ilo nagigiru'.