1 SAMUIL 19:5 - Tanou Moonsoi Timugon

⁵ Pinataak no painawo nano paat io namatoi ri Goliat, am nanaak Tuhan no ra kamanangan ondo' maayo ra Israil. Okou galama' nakatainu raginio, am naansukan kou paat ragili. Kua kia raino masaga' kou mangimbolo' ra sangulun ondo' kolondo' sala, am masaga' mamatoi ri Daut ra kolondo' sasaban?”

1 SAMUIL 19:5 ပူးပေါင်းရင်းမြစ်များ

1 TUNUNG RU BANSA' ISRAIL 11:14

kaa' io am ulun-ulun nano siminoroi ayuk giu' ra tatanga' ru umo no am minanggal ra ulun ru Palistin. Kopongo raginio nangani' Tuhan ra Israil ra kamanangan ondo' maayo paat ra orou raginio.

1 SAMUIL 11:13

Kaa' indagu Raja' Saul, “Kolondo' sangulun pana potoyon ra orou raiti', sabap paat ra orou raiti' namayag Tuhan ra ulun ru Israil.”

MATIUS 27:4

Kono, “Natulaan aku noyo sabap ra nampataak ra ulun kolondo' sala saboi inukum Io potoyo'!” Kaa' taam ilo, “Pai' ru akai, okou nambaal!”

1 SAMUIL 20:32

Taam i Jonatan, “Kua musiti' io matoi? Atan kia tula nano?”

TINGGANAI RU BANSA' 9:17

Karaa' noyo ra namulunsar ama' kuno ra tayar min. Napakinibit io ra painawo nano koson mapalabus ramuyun intor ra ulun ru Midian.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

MAZMUR 119:109

Masalok pajuungon ku painawo kuno, kaa' aku kalo mampalilian ra ukum Muno.

1 SAMUIL 28:21

Mininggaar ruandu' no ra Raja' Saul am nakapandai ra magalabo io kaga'. Ginio ra kon ru ruandu' no riso, “Raja' kuno, pinataak ku noyo painawo koson manugut ra kitaakon muno.

PILIPI 2:30

Sabap ra kandoi nano ri Kristus nampataak io ra painawo nali am mamaar io matoi, koson mangindangan io raki' ondo' akau galama' kalo makakaluagan mambaal.

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’

MATIUS 27:24

Kalimani' ri Pilatus ra kolondo' onong io mingkotog mambaal raginio am ra ulun masuang maaru' lumunsai, alapo' no timug am bagui' no kalindu' nano am indagu, “Kolondo' tayar ku ra pinatayan Nano, akau ayuk ra kandoi.”

JIRIMIA 26:15

Kaa' karaa' noyo, amon ru mamatoi kau raki', akau am mamagun ru bandar ti makatula sabap ra mamatoi ra ulun ondo' kolondo' sala. Nanusub Tuhan raki' koson mampakara' ramuyun.”

MAZMUR 69:4

Naagui aku nampiau ra makiindangan, am bambalangan kuno maruol. Mato kuno mapari' maginaa ra pangindanganan Muno.

1 SAMUIL 14:45

Kaa' indagu mamagun ra Raja' Saul, “Musiti' kia ukumin i Jonatan ra matoi? Sala' ka kia io nokoowot ra kamanangan ondo' maayo ti? Binantu' mai ralalom inggalan ru Tuhan ondo' naayag, santiis ra abuk ri Jonatan no pana kalo kulawon! Mabaya' ra indangan ru Tuhan, nokoowot io ra kamanangan ra orou raiti'.” Koon raginio noyo mamagun namayag ri Jonatan intor ra ukuman matoi.

TINGGANAI RU BANSA' 12:3

Kakito ku ra kalo masaga' kau mangindangan, pinakinibit ku painawo kuno. Minongoi aku pamulunsar risilo, am nanaak Tuhan raki' ra kamanangan risilo. Kua kia raino masaga' kau mamulunsar raki'?”

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

MAZMUR 25:3

Kalaan kalo malimanan ru ulun ondo' mangintopot Rirun, kaa' malimanan ru ulun ondo' mataki' manggal Rirun.

1 SAMUIL 19:6

Nalimanan ru Raja' Saul no nalupus nokorongog ra ragu ri Jonatan no, am nagibot io ralalom inggalan ru Tuhan ra kalo mamatoi io ri Daut.

1 SAMUIL 22:14

Taam i Agimilik, “Kaa' sala' ka i Daut no alia pagawai muno ondo' gumagaya' kaga'? Io anak mangiwan muno galama', tingganai magagalung rirun ayuk am urumaton kaga' ru ngaangai' ulun giu' ra istana.

2 SAMUIL 23:10

kaa' narayus i Iliajar nangayou ra ulun ru Palistin saboi kalindu' nano kiminotog, am kalo malabusan no ilang nano. Paat ra orou raginio Tuhan nokoowot ra kamanangan ra maayo. Saujor ru Israil ondo' liminugut, siminaguli' ra intok ri Iliajar nangayou, am nangalus ra bayang ru mangayou intor ra baangkai-baangkai ra giu' no.

MAZMUR 94:21

mampapakat ilo tumula' ra ulun moonsoi, am ukumin nilo potoyo' ulun ra kolondo' sala.

1 TUNUNG RU BANSA' ISRAIL 11:18

Pokorongog raginio talu ngaulun ra ulun tutumula' nano nanubol ra pangkiman ru ulun ru Palistin, nangalap ra timug intor ra tulubong no, am ibito' ginio ra Raja' Daut. Kaa' marara' Raja' Daut manginum ra timug no, sasari' no boo ginio koson ra taak ra Tuhan.

MAZMUR 109:5

Moonsoi aku risilo kaa' poboloson nilo kalaatan, am togom kuno ra kasisangan.