1 SAMUIL 19:4 - Tanou Moonsoi Timugon

⁴ Rinagu ri Jonatan baal ri Daut ra mongoonsoi no ra Raja' Saul, kono, “Ama', pai' jamari' i Daut, ulipon muno. Kalo nambaal io ra kasalaan ru atan pana rirun; kaa' masuang noyo indangan nano rirun.

1 SAMUIL 19:4 ပူးပေါင်းရင်းမြစ်များ

KASAUKAN 42:22

Indagu i Rubin, “Binalaan takamin noyo ra pai' min jamari' lalaing i, kaa' kalo inining min ragu kuli. Raino nalumaagan takau ra pinatayan nali.”

KASAUKAN 9:6

Ulun sinauk nogondo' ra baal Kuno; ginio ra osoi ayuk mamatoi ra ulun, io galama' niayuk potoyon ru ulun.

2 TUNUNG RU BANSA' ISRAIL 6:22

“Paat ra sasangulun uwin ra makasala ra ulun bokon, am susubon magibot ra saang ru altar ra Baloi ti ra kolondo' sala nano,

MAZMUR 35:12

Baal-baal ra moonsoi balasin nilo ra kalaatan, am malawo guang kuno.

MAZMUR 59:4

Ilai' ga magiginaa ilo mampatoi raki'; ulun mangalaat tumimung magawang raki'. Sabap no ra sala' ka aku makatula kapoam nambaal ra kasalaan,

AMSAL 17:13

Ulun ondo' mambalos ra kaansayan no ra kalaatan, kalo makapagiru' kalaatan ru baloi nano.

JIRIMIA 18:20

Motopot kia ra moonsoi balasin ra malaat? Kaa' nangkali ilo ra luang maa' raginio maratu' aku ra ralalom no. Karaa' noyo ra sinaung ku ilo ra saang Muno, maa' raginio kalo sangitin Mu ilo.

1 KORINTUS 8:12

Amon ru akau mangkinibit ra pabukat Kristian mino ondo' malawo pangintapatan makatula am maninduol ra guang nilo, ginio mogondo' ayuk ra makatula kau ri Kristus.

1 JUANIS 3:15

Osoi ayuk masisang ra rondo' am bokon, io no sangulun mamamatoi. Am maaru' kaayagan mantilayun kalo sumoroi ra sangulun mamamatoi.

1 SAMUIL 2:25

Amon ru sasangulun no makatula ra ulun, saungon io ri Aki Kapuuno'; kaa' amon ru sasangulun no makatula ra Tuhan, osoi kia boo makasaung riso?” Kaa' anak-anak ri Ili no kalo mampalio ra bilin ru ama' nilono, sabap ra namatas noyo Tuhan no koson mamuso risilo.

1 SAMUIL 20:32

Taam i Jonatan, “Kua musiti' io matoi? Atan kia tula nano?”

1 SAMUIL 22:14

Taam i Agimilik, “Kaa' sala' ka i Daut no alia pagawai muno ondo' gumagaya' kaga'? Io anak mangiwan muno galama', tingganai magagalung rirun ayuk am urumaton kaga' ru ngaangai' ulun giu' ra istana.