1 SAMUIL 19:24 - Tanou Moonsoi Timugon

²⁴ Pakasaboi ra giu' no, nangalus Raja' Saul ra bayang nano am liminigo' am giminolok ra saang ri Samuil. Kopongo raginio Raja' Saul liminuya' am nagibabaang ra nonsongorou am nosorondom. (Ginio noyo talimpuun no ra ulun mindagu, “Nabi niayuk kia i Saul no?”)

1 SAMUIL 19:24 ပူးပေါင်းရင်းမြစ်များ

2 SAMUIL 6:14

Nansasayau Raja' Daut ra guang maantak kaga' koson mangurumat ra Tuhan. Paat raginio nongkonoon io ra konoon linon mariwa' ondo' pinabangkos ra awak nano.

2 SAMUIL 6:20

Kopongo raginio, paat ra Raja' Daut nakauli' koson mamujak ra sasambaloi nano, tuum i Mikgal riso. Kon ri Mikgal, “Paat ra orou raiti' totopot raja' ru Israil nambaal ra inan nano urumaton kaga'! Nagibabaang raja' koson ra ulun sasambungon ondo' kalo mapandai mauyu' ra saang ru ulipon-ulipon ruandu' ru pagawai-pagawai istana!”

JISAYA 20:2

Talu ngambilor ra nakapagulu, nanusub Tuhan ri Jisaya anak ri Amos namagus ra kasut am nangalus ra konoon karung ondo' sinulungan nano. Sinugut ri Jisaya nanusuban raginio am minugar io nagibabaang am niayuk kalo nangkasut.

MIKA 1:8

Indagu boo i Mika, “Ginio ra mangulir aku am mantangi'. Koson mampakito ra kangilukan ru guang kuno, mugar aku ra mantilagas am kolondo' kasut. Mampaung aku koson ra taani am mompoloong koson susuit unta.

UNTABAN 24:4

sangulun ondo' riminongog ra ragu ri Aki Kapuuno'. Nakito ku pinaintalang intor ri Aki Kapuuno' Ondo' Maayo Kaga' Kuasa', liliwa' naaba', kaa' ra nasingkarat mato.

RINALATAN 9:21

Ngaangai' ulun ondo' nokorongog i nangimuag ri Saulus. Nagindagu ilo, “Sala' ka kia io no ondo' giu' ra Jirusalim i namatoi ra ulun ondo' sumamba ri Jisus? Am minatong io ragiti pana koson mamparakop am magibit risilo ra tingganai imam Jaudi?”

1 SAMUIL 10:6

Paat raginio niayuk kuasaan kou ru Ambiluo ru Tuhan, am aniin kou ra paliso bagu, am maya' kou risilo saliligo am sogogolok.

1 SAMUIL 15:35

Polos ra pupus ru bayag nano, kalo boo igondo' i Samuil timinuum ra Raja' Saul, kaa' nangiluk guang ri Samuil sabap ra pansagulian Tuhan nampili' ra Raja' Saul nasauk ra raja' ru Israil.

1 SAMUIL 18:10

Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.