1 SAMUIL 19:23 - Tanou Moonsoi Timugon

²³ Paat ra Raja' Saul mongoi ra giu' no, io niayuk kinuasa' ru Ambiluo ri Aki Kapuuno', saboi io lumigo' am gumolok ra galur ru pangkiralanan mongoi ra Nayot.

1 SAMUIL 19:23 ပူးပေါင်းရင်းမြစ်များ

AMSAL 16:9

Ulun mambaal ra inatangan, kaa' i Aki Kapuuno' mangaru' ra ralan kaayagan ru ulun.

1 SAMUIL 10:10

Paat ri Saul am ulipon nano nakasaboi giu' ra Gibia, tinuum i Saul ru sampulalai nabi. Paat raginio niayuk Ambiluo ri Aki Kapuuno' no nanguasa' ri Saul, am minaya' io ra nabi-nabi no saliligo' am sogogolok.

1 SAMUIL 19:20

Ginio ra nanusub Raja' Saul ra kukula' ngaulun minongoi ra giu' no koson mamparakop ri Daut. Giu' no nakito nilo santimungan nabi tatanga' lumigo' am nagagampan giminolok, am tiningganai ilo ri Samuil. Ulun-ulun sinusub ru Raja' Saul pana kinuasa' ru Ambiluo ri Aki Kapuuno', am ilo pana tumalimpuun lumigo' am gumolok.

UNTABAN 24:2

am nakakito ra ulun ru Israil nangkim ralalom pulalai sumugut ra bansa' ru sigagama'. Kinuasa' i Biliam ru Ambiluo ri Aki Kapuuno',

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

JUANIS 11:51

Sotopot no rinagu nati kalo sumugut ra pangkaraan nali galama', kaa' koson sangulun Tingganai Maayo Imam Jaudi bilor ragili, nambala' io ra i Jisus ti potoyon koson ra kaatangan ra ulun ru Jaudi.

MATIUS 7:22

Paat ra Orou Pupus no masuang ulun mampiau Raki', ‘Tuhan, sala' ka kia ralalom inggalan Muno nampatanou akai no ra Tanou Moonsoi; am ralalom inggalan Muno nampagiru' akai ra riwato-riwato, am niayuk nambaal ra masuang kaimuagan?’

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

UNTABAN 23:5

Tuhan pana nambala' ri Biliam ra atan musiti' baalon nano, am nanusub riso sumaguli' ra Raja' Balak koson mapasaboi ra bilin ru Tuhan ra raja' no.

1 SAMUIL 10:6

Paat raginio niayuk kuasaan kou ru Ambiluo ru Tuhan, am aniin kou ra paliso bagu, am maya' kou risilo saliligo am sogogolok.

1 SAMUIL 10:12

Kopongo raginio pangkuot sangulun ondo' minayan ra giu' no, “Ati kulaan ra nabi-nabi ra bokon no – guang min osoi kia ama' nilono?” Ginio noyo puun ru pagabigan ragitio, “Inda' nua' ru i Saul niayuk nasauk ra sangulun nabi?”

1 SAMUIL 18:10

Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.

1 SAMUIL 19:18

Nagiru' i Daut am minongoi ri Samuil giu' ra Rama. Nambala' i Daut ri Samuil ra ngaangai' ondo' pinamakuan ru Raja' Saul no riso. Kopongo raginio i Daut am i Samuil minongoi ra Nayot am minayan ra giu'.

1 SAMUIL 19:22

Ginio ra Raja' Saul galama' minongoi ra Rama. Pakasaboi io ra tulubong ondo' maayo giu' ra Siku, nangkuot io ra ati intok ri Samuil am i Daut. Ulun ra giu' no nambala' riso ra soroi ilo giu' ra Nayot.