1 SAMUIL 19:20 - Tanou Moonsoi Timugon

²⁰ Ginio ra nanusub Raja' Saul ra kukula' ngaulun minongoi ra giu' no koson mamparakop ri Daut. Giu' no nakito nilo santimungan nabi tatanga' lumigo' am nagagampan giminolok, am tiningganai ilo ri Samuil. Ulun-ulun sinusub ru Raja' Saul pana kinuasa' ru Ambiluo ri Aki Kapuuno', am ilo pana tumalimpuun lumigo' am gumolok.

1 SAMUIL 19:20 ပူးပေါင်းရင်းမြစ်များ

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

UNTABAN 24:2

am nakakito ra ulun ru Israil nangkim ralalom pulalai sumugut ra bansa' ru sigagama'. Kinuasa' i Biliam ru Ambiluo ri Aki Kapuuno',

JUANIS 7:32

Ulun ru Parisi nokorongog ra ati kulaan ulun-ulun no posokonos mansunur ri Jisus. Gili boo ra ilo am tingganai imam Jaudi nanusub ra kukula' ngaulun pulis ru Baloi Tuhan mongoi pamparakop Riso.

1 KORINTUS 14:3

Kaa' ulun ondo' mampasaboi ra bala' intor ri Aki Kapuuno', potonowon no ginio ra ulun koson mampasingkot, mampaikang am mampabansuk risilo.

1 SAMUIL 10:10

Paat ri Saul am ulipon nano nakasaboi giu' ra Gibia, tinuum i Saul ru sampulalai nabi. Paat raginio niayuk Ambiluo ri Aki Kapuuno' no nanguasa' ri Saul, am minaya' io ra nabi-nabi no saliligo' am sogogolok.

1 SAMUIL 19:11

Rondom raginio niayuk, nanusub Raja' Saul ra kukula' ngaulun minongoi ra baloi ri Daut koson mansigo ri Daut, am mamatoi riso ra tampilon ra susuab no. Kaa' i Mikgal, andu' ri Daut, nambala' riso, “Amon ru kalo magiru' kou ra rondom no niayuk, susuab no maaru' potoyon kou.”

1 SAMUIL 19:14

Paat ra ulun-ulun ri Raja' Saul minatong koson mamparakop ri Daut, indagu i Mikgal, “Marualan i Daut no.”

1 SAMUIL 19:19

Raja' Saul binalaan ra soroi i Daut giu' ra Nayot mamaar ra Rama.

1 SAMUIL 19:21

Pokorongog Raja' Saul ra tanou raginio, nangator io ra masuang poyo ulun-ulun ra bokon. Kaa' ilo pana tumalimpuun lumigo' am gumolok. Koson ra kaintalu no Raja' Saul nangator ra ulun, kaa' ilo pana koson niayuk raginio nasauk.