1 SAMUIL 19:10 - Tanou Moonsoi Timugon

¹⁰ Nangkinam Raja' Saul mapatura' ra tutura' nano ri Daut ondo' soroi mamaar ra rinding, kaa' nailiu ri Daut, saboi tutura' no nakatujok ra rinding. Nagiru' i Daut koson mamayag ra inan.

1 SAMUIL 19:10 ပူးပေါင်းရင်းမြစ်များ

MAZMUR 124:7

Itakau koson ayuk ra susuit nalabus ra landak ru sangulun manginginsusuit; landak no linunsai am itakau pana nakalabus!

MAZMUR 18:17

Intor ra rasawat pinatutui ru Tuhan kalindu' Nano, ginuut No aku, am paingkualo' No aku intor ra timug ondo' malandom.

MAZMUR 34:19

Tuhan minggaar ra ulun ondo' maluoi pangkaus; am mamayag Io ra ulun ondo' malawo guang.

MAZMUR 37:32

Ulun malaat mongoror ra ulun moonsoi am maguyum ilo ra kaayatan koson mamatoi risilo;

AMSAL 1:16

Kalo moorot nilo guang mambaal ra kalaatan, gogolong ka mampatoi ilo mataki'.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

GOSIA 6:4

Kaa' indagu Tuhan, “Akau Israil am Jiuda, atan kia ondo' musiti' Kuno baalon ramuyun? Togom min Raki' mataki' lumiot koson ra makagaun kapoam bolobou bulintok ra mokorondom ra susuab ti.

MATIUS 10:23

Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

LUKAS 4:30

Kaa' pansail i Jisus ra ulun masuang am ugar Io.

JUANIS 10:39

Nangkinam ilo poyo pamparakop ri Jisus, kaa' kalo naalap nilo.

IBRANI 11:34

Mokoondo' niayuk nampalasa' ra apui makalalaa', mokoondo' nakapagiru' paat ra inuupan ru ulun makakinandoi. Malawo ilo kaa' nasauk ilo ra maikang, am makakau' ilo saboi nangala ilo ra saujor ru pagun ra bokon.

1 SAMUIL 18:10

Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.

1 SAMUIL 18:11

Nangkara' Raja' Saul, “Potonsokon ku io ra timbok no.” Pinapatir no tutura' no ri Daut saboi induo, kaa' nailiwan ri Daut ginio.

1 SAMUIL 19:6

Nalimanan ru Raja' Saul no nalupus nokorongog ra ragu ri Jonatan no, am nagibot io ralalom inggalan ru Tuhan ra kalo mamatoi io ri Daut.

1 SAMUIL 20:33

Paat raginio niayuk Raja' Saul no napatura' ra tutura' ra tampilon ri Jonatan koson mamatoi riso. Ginio ra nakaliman i Jonatan ra totopot ama' nano mamatoi ri Daut.