1 SAMUIL 18:7 - Tanou Moonsoi Timugon

⁷ Liliwa' nansasayau ruandu'-ruandu' narimbai koson ragitio, “Raja' Saul namatoi ra riribu ngaulun pantula', kaa' i Daut namatoi ra opor-opor ngaribu ngaulun pantula'.”

1 SAMUIL 18:7 ပူးပေါင်းရင်းမြစ်များ

2 SAMUIL 18:3

Kaa' taam ilo, “Pai' raja' mai. Amon ru magigiru' akai kalalaat, kapoam sampiruo intor ra suang mai matoi, kalo poyo masamaan pantula', sabap ra okou noyo ondo' uyumon nilo. Okou nogondo' logo no ra mopor ngaribu ngaulun intor ramon. Ginio ra moonsoi poyo mangator kou ra indangan ramon intor ra ralalom ru bandar.”

2 SAMUIL 23:1

Raja' Daut anak ri Isai iono ulun ondo' sinauk ri Aki Kapuuno' ra ulun maayo, am pinili' ri Aki Kapuuno' ri Jakub nasauk ra raja'. Nanulis Raja' Daut ra masuang rimbai ondo' moonsoi ra Israil, am gitio noyo ragu pupus nano:

2 SAMUIL 6:5

Raja' Daut am ngaangai' ulun ru Israil minugar ra saang ru Kaban Nabantuan liliwa' lumigo' am marimbai ra nakai' ikang nilo koson mangurumat ra Tuhan. Nangkuli ilo ra jitor, gambus, rabana, kilintung am simbal.

KAINGKUALAN 15:21

Rinimbayan ri Miriam ilo, “Rimbayi' min Tuhan sabap ra moonsoi kaga' kamanangan noowot Nano; Namatir Io ra kuda am ulun nangura' ra kuda ralalom ru raat.”

1 SAMUIL 21:11

Indagu pagawai-pagawai ru Raja' Akis riso, “Sala' ka kia io ti i Daut, raja' ru giu' ra pagun nano? Io noyo ondo' kon ru ruandu'-ruandu' ondo' paat ragili liminigo'-ligo' liliwa' narimbai koson ragitio, ‘I Saul namatoi ra riribu ngaulun pantula', kaa' i Daut namatoi ra opor-opor ngaribu ngaulun pantula'.’ ”

1 SAMUIL 21:12

Ragu-ragu raginio nakajajou ra pangkaraan ri Daut, am nalaa' io kaga' ra Raja' Akis.

1 SAMUIL 29:5

Io no i Daut, am ra tayar nano noyo ruandu'-ruandu' ragili liminigo liliwa' narimbai ragitio, ‘Raja' Saul namatoi ra riribu ngaulun pantula', kaa' i Daut namatoi ra opor-opor ngaribu ngaulun pantula'.’ ”