1 SAMUIL 18:6 - Tanou Moonsoi Timugon

⁶ Pakasaguli' i Daut, kalupus nangala ri Goliat ulun ru Palistin no, am baris saujor-saujor minumpos ra ralalom ru bandar, bala ru ruandu' miningkual intor ra ngaangai' bandar giu' ra Israil koson manguma' ra Raja' Saul. Naririmbai ilo ra rimbai kaansukan liliwa' nansasayau am nangkuli ra tamburing am jitor.

1 SAMUIL 18:6 ပူးပေါင်းရင်းမြစ်များ

2 SAMUIL 1:20

Pai' potonowo' tanou raginio giu' ra Gat, kapoam giu' ra ralan mongoborok ru Askilon, pai' masaboi ruandu' ru Palistin magindii, kapoam ruandu' ondo' kalo makaulig ri Aki Kapuuno' maansukan.

2 SAMUIL 6:5

Raja' Daut am ngaangai' ulun ru Israil minugar ra saang ru Kaban Nabantuan liliwa' lumigo' am marimbai ra nakai' ikang nilo koson mangurumat ra Tuhan. Nangkuli ilo ra jitor, gambus, rabana, kilintung am simbal.

MAZMUR 149:3

Omporo' noyo inggalan Nano ralalom ru ligo'; omporo' noyo inggalan Nano ondo' kayusin ra jitor am asasin ra tamburing.

MAZMUR 68:11

am ulun Muno mayan ra giu'; ralalom kinoonsoi Muno, alungin Mu ulun musikin.

MAZMUR 68:25

Ngaangai' ulun magilong ra ugar guguluyur ra Okou namanang, iou Aki Kapuuno', ugar guguluyur ri Aki Kapuuno' kuno, Raja' kuno mumpos ra Baloi Nano.

KAINGKUALAN 15:20

I Miriam boo, sangulun nabi, iono maayo ruandu' ri Arun, nangalap ra tamburing nano. Ngaangai' ruandu' pana minaya' napalamba' ra tamburing liliwa' mansayau.

KAINGKUALAN 15:21

Rinimbayan ri Miriam ilo, “Rimbayi' min Tuhan sabap ra moonsoi kaga' kamanangan noowot Nano; Namatir Io ra kuda am ulun nangura' ra kuda ralalom ru raat.”

JISAYA 30:32

Tatanga' ra Tuhan ruruli' mapalamba' risilo, ulun Nano lumigo' maya' ra rantak ru tamburing am jitor. I Aki Kapuuno' galama' mangayou manggal ra ulun ru Asyur.

TINGGANAI RU BANSA' 11:34

Paat i Jipta sumaguli' ra Mijpa, ratong anak ruandu' nano manguma' riso, liliwa' mansayau am mangkuli ra tamburing. Io anak langkuir ri Jipta.

1 SAMUIL 18:5

Binaal ri Daut ra matanda' ngaangai' kandoi ondo' nanusuban ru Raja' Saul. Raja' Saul pana nampili' boo riso nasauk ra pagawai saujor. Baal raginio napakaansuk ra guang ru ngaangai' pagawai saujor am ulun ru Raja' Saul.