1 SAMUIL 18:5 - Tanou Moonsoi Timugon

⁵ Binaal ri Daut ra matanda' ngaangai' kandoi ondo' nanusuban ru Raja' Saul. Raja' Saul pana nampili' boo riso nasauk ra pagawai saujor. Baal raginio napakaansuk ra guang ru ngaangai' pagawai saujor am ulun ru Raja' Saul.

1 SAMUIL 18:5 ပူးပေါင်းရင်းမြစ်များ

KASAUKAN 39:23

Kalo pana boo kondoyon ru tingganai magagalung no atan ondo' pinakandayan no ri Jusup, sabap ra magalung Tuhan no ri Jusup saboi iawo io ra atan ayuk kondoyon nano.

2 SAMUIL 5:10

Buoi ka buoi giminaai ikang ru Raja' Daut sabap ra Tuhan, i Aki Kapuuno' Ondo' Maayo Kaga' Kuasa' no nangindangan riso.

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

2 TUNUNG RU BANSA' ISRAIL 17:3

Tuhan nambarakat ra Raja' Josapat sabap ra kalo timinilu io ra ama' nali paat ra ama' nali lakat poyo mamulok; Raja' Josapat kalo siminamba ra Baal.

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

MAZMUR 101:2

Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

IPISUS 5:17

Ginio ra pai' kau noyo bungas, kaa' uyumo' min noyo atan ondo' kasagaan ru Tuhan.

KOLOSI 4:5

Kapintar kano paat ra akau lumatok ra ulun ondo' kalo mangintopot no. Kaluagan raginio alapon min mampakito risilo ra akau maamaya' ri Kristus.

1 SAMUIL 13:2

nampili' io ra talu ngaribu ngaulun ru Israil; intor ru suang ragitio, ruo ngaribu ngaulun minayan simpung riso giu' ra Mikmas am giu' ra kabuluran ru Bitil. Suang saribu ngaulun ra bokon minongoi nababaya' ri Jonatan, anak ungkuyon nano giu' ra Gibia, giu' ra wilayah ru bansa' ru Binjamin. Ulun ra suwo no sinusub ru Raja' Saul minuli' ra baloi ru sigagama'.

1 SAMUIL 14:52

Buoi ra bayag ru Raja' Saul, nangayou io toojo ra ulun ru Palistin. Ginio ra paat ayuk makakito io ra ulun ondo' maikang kapoam baani, pulali' no mapasauk ra ulun no ra saujor nano.

1 SAMUIL 18:16

Kaa' ngaangai' mamagun ru Israil am Jiuda motogom ri Daut, sabap ra io sangulun tingganai ondo' masuang indangan nano. Naguot i Daut ra anak ruandu' ru Raja' Saul

1 SAMUIL 18:30

Pogonong ra saujor ru Palistin mamulunsar, makasugut poyo i Daut nangala risilo intor ra pagawai ru Raja' Saul ra bokon no. Kon raginio noyo i Daut nasauk ra nauligan kaga'.

1 SAMUIL 18:4

Inalus ri Jonatan sukub nano am pabayango' no ri Daut. Tinaakan no niayuk bayang mangayou nano, ilang nano, panah nano am abot nano ri Daut.

1 SAMUIL 18:6

Pakasaguli' i Daut, kalupus nangala ri Goliat ulun ru Palistin no, am baris saujor-saujor minumpos ra ralalom ru bandar, bala ru ruandu' miningkual intor ra ngaangai' bandar giu' ra Israil koson manguma' ra Raja' Saul. Naririmbai ilo ra rimbai kaansukan liliwa' nansasayau am nangkuli ra tamburing am jitor.

1 SAMUIL 3:19

Siminukor poyo i Samuil. Tuhan mabaya' riso am nambaal ra ngaangai' ondo' rinagu ri Samuil no totopot nasauk.