1 SAMUIL 18:28 - Tanou Moonsoi Timugon

²⁸ Nalimanan ru Raja' Saul ra Tuhan mabaya' ri Daut, am i Mikgal anak ruandu' nano malaai ri Daut.

1 SAMUIL 18:28 ပူးပေါင်းရင်းမြစ်များ

KASAUKAN 26:28

Taam ilo, “Raino makapandai akai ra Tuhan manindung rirun, ginio sabap ra guang mai mabantu' takau. Pagibot no,

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 39:3

Natutunan ru tuan nano ra nangindangan Tuhan no ri Jusup, am ginio boo ra iawo io ra ngaangai' kondoyon nano.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

1 SAMUIL 18:20

Kaa' i Mikgal, anak ruandu' ru Raja' Saul ra bokon no, malaai ri Daut. Pokorongog Raja' Saul ra baal raginio, Raja' Saul pana naansayan.

1 SAMUIL 18:27

nababaya' i Daut ra ulun-ulun nano namatoi ra ruo ngaatus ngaulun Palistin; inalap ri Daut kungkung khatan nilono. Kopongo raginio pinataak ri Daut ngaangai' no ra raja' ra kalo natutusan ra rondo' pana maa' raginio masauk io ra anak mangiwan ru raja'. Ginio ra musiti' pawatin ru Raja' Saul no anak ruandu' nano i Mikgal no ri Daut.

1 SAMUIL 18:29

Gumaai boo laa' ru Raja' Saul no ri Daut. Nantula' Raja' Saul no ri Daut buoi ru bayag nano.

1 SAMUIL 24:20

Sanganuan ayuk toojo ulun mapalabus ra pantula' ra kalo rualin no ra malupus tuumon no pantula' raginio. Tuhan mambarakat rirun sabap ra binaal muno ondo' moonsoi raki' ra orou raiti'!

1 SAMUIL 26:25

Indagu Raja' Saul no ri Daut, “I Aki Kapuuno' mambarakat rirun, alii ra anak kuno! Makasugut kou ra ralalom ru ngaangai' pirot muno!” Kopongo raginio rinayus ri Daut pangkiralanan nano, am Raja' Saul minuli' ra baloi.