1 SAMUIL 18:25 - Tanou Moonsoi Timugon

²⁵ am nanusub Raja' Saul ra pagawai-pagawai mambala' ri Daut ra bilin ragitio, “Rondo' ayuk toojo kitaakon ru raja' no intor rirun koson ra mulo iono maatus kungkung ru khatan ru ulun ru Palistin, koson mansuli' ra pantula' nano.” (Gitio noyo ralan inatang ru Raja' Saul maa' raginio potoyon i Daut no ru ulun ru Palistin.)

1 SAMUIL 18:25 ပူးပေါင်းရင်းမြစ်များ

KASAUKAN 29:18

Malaai i Jakub ri Ragil, ginio sabap ra taam io, “Mangandoi aku rirun buoi tulu' ngambilor, amon ru mataak mu anduon ku i Ragil.”

KASAUKAN 34:12

Raguo' min atan taak kasagaan min, am aruo' min noyo mulo no ra kula' ayuk pana suang no, gagayaan ku atan ayuk kitaakon mino amon ru iowon min i Dina no uoton ku.”

2 SAMUIL 3:14

Nangator niayuk Raja' Daut ra ulun sinusub mongoi ra Raja' Isbosit, ondo' nagibit ra bilin, “Pasagulio' andu' kuli, i Mikgal raki'. Mambayar aku maatus kungkung ru tali' ru ulun ru Palistin koson manangandu' riso.”

JOSUA 5:3

Sinugut ri Josua susuban ru Tuhan am sunati' ulun ru Israil giu' ra intok ininggalanan ra Bulur Sunat.

1 SAMUIL 14:24

Paat orou raginio mangalawo ulun ru Israil ra nangaitilan sabap ra Raja' Saul nagibot koson ragitio, “Kaulas noyo ulun ondo' mangakan ra atan pana ra orou raiti', ra kalo poyo mansuli' aku ra pantula'.” Ginio ra kolondo' sangulun pana ondo' nangakan buoi ru orou raginio.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.

1 SAMUIL 18:17

Nangatang Raja' Saul maa' raginio potoyon i Daut no ru ulun ru Palistin ralalom ru pangayawan maa' raginio sala' ka Raja' Saul galama' ondo' mamatoi riso. Ginio ra, sangarawan raginio indagu Raja' Saul ri Daut, “I Mirab, anak ruandu' ra katuaan kuno, pawatin ku rirun, ginio ayuk ra mangandoi kou raki' masauk ra saujor ondo' baani am gumagaya', am niayuk mangayou ra tayar ru Tuhan.”

1 SAMUIL 18:24

Pagawai-pagawai no nampasaboi ra taaman ri Daut no ra Raja' Saul,

1 SAMUIL 19:1

Nambala' Raja' Saul ri Jonatan, anak ungkuyon nano am ngaangai' ru pagawai nano ra nangatang io koson mamatoi ri Daut. Kaa' motogom kaga' i Jonatan no ri Daut,