1 SAMUIL 18:17 - Tanou Moonsoi Timugon

¹⁷ Nangatang Raja' Saul maa' raginio potoyon i Daut no ru ulun ru Palistin ralalom ru pangayawan maa' raginio sala' ka Raja' Saul galama' ondo' mamatoi riso. Ginio ra, sangarawan raginio indagu Raja' Saul ri Daut, “I Mirab, anak ruandu' ra katuaan kuno, pawatin ku rirun, ginio ayuk ra mangandoi kou raki' masauk ra saujor ondo' baani am gumagaya', am niayuk mangayou ra tayar ru Tuhan.”

1 SAMUIL 18:17 ပူးပေါင်းရင်းမြစ်များ

2 SAMUIL 11:15

Koon raginio suang ru surat no, “Susubo' i Uria mongoi ra barisan ru saang, intok pangayawan ondo' moporos kaga', malupus raginio susubo' pulalai muno lumugut ra kalo mapandayan ri Uria maa' raginio matoi io.”

2 SAMUIL 12:9

Kaa' kua anggal kou ra susuban Kuno? Kua pambaal kou ra baal malaat no? Siningon mu nompoloso ri Uria minatoi ra tatanga' ru pangayawan. Nompoloso kou ra ulun ru Amon namatoi riso, am namundus ra andu' nano!

2 SAMUIL 6:16

Paat ra Kaban Nabantuan inibit siminubol ra bandar, i Mikgal anak ruandu' ru Raja' Saul, minimpal ra gigimpalan am nakakito ra Raja' Daut mansasayau am titindak koson mangurumat ra Tuhan. Mataman i Mikgal magilong ra Raja' Daut.

MAZMUR 12:2

Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

MAZMUR 55:21

Rangan kuno ra galing i mangayou ra rangan-rangan nali; kalo sinugut no bantu' nali.

AMSAL 26:24

Ulun masisang no maamis ra mindagu, kaa' guang nano napanu' ra ruung.

AMSAL 26:25

Kabalu' pana io masamba, pai' pangintopot riso, sabap ra guang nano napanu' ra kasisangan.

AMSAL 26:26

Kabalu' pana masibuni no kasisangan nano, kaa' makito niayuk kalaatan nano.

UNTABAN 21:14

Ginio sabap ra ralalom Kitab Pangayawan ru TUHAN mokoondo' tinulisan, “…Wagib giu' ra libung Supa am limayak-limayak nano; Sungoi Arnon

UNTABAN 32:20

Taam i Musa, “Amon ru totopot kau manugut ra bantu' mino, tampos kano koson mangayou ra tayar ru Tuhan.

UNTABAN 32:27

Kaa' nakatampos akai mangayou sabap ra susuban ru Tuhan. Sumandaup akai ra Sungoi Jordan am mangayou koson ra rinagu mu noyo.”

UNTABAN 32:29

“Amon ru ulun ru Gad am ulun ru Rubin sumandaup ra Sungoi Jordan am nakatampos mangayou sabap ra susuban ru Tuhan, am amon ru mabaya' ra indangan nilo, makasugut kau mampagaau ra tana' no, taaki' noyo risilo tana' Giliad koson ra tungkuson nilo.

SAGULION 17:7

Ulun ondo' nasauk ra sasi' raginio noyo ondo' musiti' magulu momobol ra batu, bagu no ngaangai' ulun ra bokon momobol ra ulun no ra batu. Gitio ralan min mamuso ra kalaatan raginio.

1 SAMUIL 14:49

Anak ungkuyon ru Raja' Saul iono i Jonatan, i Jiswi am i Malkisua. Anak ruandu' ra katuaan ru Raja' Saul makainggalan ri Mirab, am anak ruandu' ra karuo no makainggalan ri Mikgal.

1 SAMUIL 17:25

Konilo ra rondo' am bokon, “Ilai' ga boo io! Rongogo' anggal nano! Nambantu' noyo Raja' Saul ra ulun ondo' makapamatoi ri Goliat aniin ra taak ondo' maayo. Paanduin niayuk ru Raja' no anak ruandu' nano ra ulun raginio, am sasambaloi ru ulun raginio kalo boo pana mambayar ra cukai.”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.

1 SAMUIL 17:47

Ngaangai' ulun ragiti makakito ra Tuhan no kalo manangilang kapoam manantutura' koson mamayag ra ulun Nano. Magail io mamanang ralalom ru pangayawan, am pataakin No akau ngaangai' no ra ralalom ru kalindu' mai.”

1 SAMUIL 18:21

Nangkara' Raja' Saul, “Pataakin ku i Mikgal no ri Daut maa' raginio malandak i Daut am potoyon ru ulun ru Palistin.” Kainduo no boo, indagu Raja' Saul ri Daut, “Raino masauk kou ra anak mangiwan kuno.”

1 SAMUIL 18:25

am nanusub Raja' Saul ra pagawai-pagawai mambala' ri Daut ra bilin ragitio, “Rondo' ayuk toojo kitaakon ru raja' no intor rirun koson ra mulo iono maatus kungkung ru khatan ru ulun ru Palistin, koson mansuli' ra pantula' nano.” (Gitio noyo ralan inatang ru Raja' Saul maa' raginio potoyon i Daut no ru ulun ru Palistin.)

1 SAMUIL 18:27

nababaya' i Daut ra ulun-ulun nano namatoi ra ruo ngaatus ngaulun Palistin; inalap ri Daut kungkung khatan nilono. Kopongo raginio pinataak ri Daut ngaangai' no ra raja' ra kalo natutusan ra rondo' pana maa' raginio masauk io ra anak mangiwan ru raja'. Ginio ra musiti' pawatin ru Raja' Saul no anak ruandu' nano i Mikgal no ri Daut.

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.

1 SAMUIL 30:26

Paat ri Daut minuli' giu' ra Jiklag, inataran no santayaran intor ra kuliamos ginaau no ra rangan-rangan nano, iono tingganai-tingganai ru Jiuda, pinabaya' ra bilin, “Apuo' min noyo tangguang ti intor ra kuliamos ginaau ondo' inalap mai intor ra pantula' ru Tuhan.”