1 SAMUIL 18:13 - Tanou Moonsoi Timugon

¹³ Raja' Saul pana napabanding boo ri Daut intor ra ralalom ru istana am pinili' no nasauk ra tingganai ru pulalai ra saribu ngaulun saujor. Naningganai i Daut ra pulalai nano ralalom pangayawan,

1 SAMUIL 18:13 ပူးပေါင်းရင်းမြစ်များ

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

MAZMUR 121:8

Ampinon kau ru Tuhan bulintok ra akau mintor am sumaguli', intor raino saboi ra sabuoi-buoi no.

1 SAMUIL 18:25

am nanusub Raja' Saul ra pagawai-pagawai mambala' ri Daut ra bilin ragitio, “Rondo' ayuk toojo kitaakon ru raja' no intor rirun koson ra mulo iono maatus kungkung ru khatan ru ulun ru Palistin, koson mansuli' ra pantula' nano.” (Gitio noyo ralan inatang ru Raja' Saul maa' raginio potoyon i Daut no ru ulun ru Palistin.)

1 SAMUIL 22:7

indagu io ra pagawai-pagawai nano, “Rongogo', akau ngaangai' ulun ru Binjamin! Mangkara' kau kia ra i Daut no mangani' ramuyun ra umo am umo ru anggur? Saukon kau kia ngaangai' ra pagawai ralalom ru saujor nano?

1 SAMUIL 8:12

Mokoondo' ondo' pasaukon ra tingganai ru pulalai ra saribu ngaulun saujor, am mokoondo' poyo tingganai ru pulalai ra limo ngoopor ngaulun saujor. Jajalin ru raja' no anak ungkuyon mino maparagus ra umo nano, mangkumos ra ampos ru tinanom nano, am mambaal ra kinandoi am niayuk kuliamos ra tayar ru kurita' kuda ru raja'.