1 SAMUIL 18:12 - Tanou Moonsoi Timugon

¹² Nalaa' Raja' Saul ri Daut sabap ra Tuhan mabaya' ri Daut, kaa' Tuhan no nangiruan noyo ra Raja' Saul.

1 SAMUIL 18:12 ပူးပေါင်းရင်းမြစ်များ

2 SAMUIL 5:10

Buoi ka buoi giminaai ikang ru Raja' Daut sabap ra Tuhan, i Aki Kapuuno' Ondo' Maayo Kaga' Kuasa' no nangindangan riso.

2 TUNUNG RU BANSA' ISRAIL 17:3

Tuhan nambarakat ra Raja' Josapat sabap ra kalo timinilu io ra ama' nali paat ra ama' nali lakat poyo mamulok; Raja' Josapat kalo siminamba ra Baal.

MAZMUR 51:11

Palikaro' bulos Muno intor ra tula kuno, am pusoo' noyo ngaangai' kalaatan kuno.

MAZMUR 53:5

Nangkuot i Aki Kapuuno', “Kalo kia nakapandai ulun malaat no? Kaayagan nilono manalingaau ayuk ra ulun Kuno, am kalo igondo' pakiasi' Raki'.”

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

LUKAS 8:37

Ngaangai' mamagun ru Girasa no nakitaak ri Jisus koson mangiruan ra intok raginio sabap ra nalaa' ilo kaga'. Ginio ra sakoi i Jisus ra parau am uli' Io no.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

RINALATAN 7:9

“Kaa' nangusolon boo kinamatuaan ru bansa' takali ri Jusup i. Ginio ra talano' nilo io ra pagun ru Misir koson saukon ra ulipon. Kaa' inindangan io ri Aki Kapuuno',

TINGGANAI RU BANSA' 16:20

Golok i Dilila, “Simson! Matong ulun ru Palistin!” Sukal i Simson am mangkara', “Makalabus aku koson ragili.” Kalo nalimanan ri Simson ra nangiruan noyo Tuhan riso.

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”

1 SAMUIL 16:4

Binaal ri Samuil atan ondo' rinagu ru Tuhan no riso. Minongoi io ra Bitligim am tingganai ru bandar no minatong uma' riso ra nonontol ra malaa'. Nangkuot ilo, “Ratangan mutu magibit kia ra kaansayan?”

1 SAMUIL 18:15

Inimansaan ru Raja' Saul nasugutan ri Daut, am baal raginio naparuang poyo ra laa' nano ri Daut.

1 SAMUIL 18:20

Kaa' i Mikgal, anak ruandu' ru Raja' Saul ra bokon no, malaai ri Daut. Pokorongog Raja' Saul ra baal raginio, Raja' Saul pana naansayan.

1 SAMUIL 18:29

Gumaai boo laa' ru Raja' Saul no ri Daut. Nantula' Raja' Saul no ri Daut buoi ru bayag nano.

1 SAMUIL 20:13

Kaa' amon ru makaguang io koson mapajamar rirun, polosoon noyo Tuhan no mamatoi raki' amon ru kalo mambala' aku rirun ra baal raginio am mamayag rirun. Gama' ru mabaya' Tuhan no rirun koson Io mabaya' ra ama' kuno ragili!

1 SAMUIL 22:13

Pangkuot Raja' Saul riso, “Kua pampakat kou am i Daut mamatoi raki'? Kua anii' mu io ra akanon am ilang? Kua pakitulu' kou ri Aki Kapuuno' ra tayar nano? Raino giminuor io raki', am tatanga' maginaa ra kaluagan koson mamatoi raki'!”

1 SAMUIL 28:15

Kon ri Samuil ra Raja' Saul, “Kua ulisoo' mu aku am nampiau saguli' raki'?” Taam Raja' Saul, “Aku ti ralalom ru kapaganan maayo! Ulun-ulun ru Palistin mamulunsar raki', am i Aki Kapuuno' no nangiruan noyo raki'. Kalo boo tumaam Io raki', iou kia pinabala' galing ra nabi kapoam inupi. Ginio sabap ra aku nampiau rirun, maa' raginio mambala' kou raki' ra atan musiti' kuno baalon.”

1 SAMUIL 3:19

Siminukor poyo i Samuil. Tuhan mabaya' riso am nambaal ra ngaangai' ondo' rinagu ri Samuil no totopot nasauk.