1 SAMUIL 18:10 - Tanou Moonsoi Timugon

¹⁰ Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.

1 SAMUIL 18:10 ပူးပေါင်းရင်းမြစ်များ

2 TISALONIKA 2:11

Ginio sabap ri Aki Kapuuno' mompoloso risilo ra palayawon, saboi mangintopot ilo ra atan sotopot no abau.

1 RAJA'-RAJA' 18:29

Narayus ilo napaugar raginio saboi namayian kaga', kaa' kolondo' tumaam, am kolondo' bolos morongog.

1 SAMUIL 19:9

Sangarawan raginio tatanga' Raja' Saul nanturung liliwa' nampaguut ra tutura' giu' ra baloi. Pulali' ru Raja' Saul no sinubol poyo ru ambiluo malaat ondo' sinusub ru Tuhan. Paat raginio soroi i Daut ra giu' no am tatanga' nangkuli ra jitor nano.

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

1 SAMUIL 16:23

Intor raginio, moonong ra Raja' Saul no subolon ru ambiluo malaat, kulion ri Daut jitor nano. Ambiluo malaat no pana mangiruan boo ra Raja' Saul, am Raja' Saul no pana matagulian am moonsoi saguli'.

JIRIMIA 28:11

Giu' ra saang ru ngaangai' ulun ra giu' no, indagu io, “Tuhan minindagu ra gitio noyo baal ru Io mamandak ra kuk ondo' pinaatang ru Raja' Nibukadnijar ra impus ru ngaangai' bansa'; baalon ru Tuhan baal raginio ralalom ru buoi ruo ngambilor.” Kopongo raginio iruani' ku intok raginio.

1 RAJA'-RAJA' 22:12

Ngaangai' nabi ra bokon niayuk mindagu koon raginio. Konilo, “Jalai no mamulunsar ra Ramot. Maaru' mamanang kou raja'. Manaak Tuhan no rirun ra kamanangan.”

1 SAMUIL 26:19

Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.

1 SAMUIL 18:9

Intor ra orou raginio nangusolon Raja' Saul ri Daut.

1 SAMUIL 19:7

Kopongo raginio nampiau i Jonatan ri Daut am nambala' riso ra ngaangai' sinunur ra raitii' ni. Ibito' boo ri Jonatan i Daut ra Raja' Saul, am nangandoi i Daut ra Raja' Saul koson ragili.

TINGGANAI RU BANSA' 16:20

Golok i Dilila, “Simson! Matong ulun ru Palistin!” Sukal i Simson am mangkara', “Makalabus aku koson ragili.” Kalo nalimanan ri Simson ra nangiruan noyo Tuhan riso.

1 SAMUIL 19:10

Nangkinam Raja' Saul mapatura' ra tutura' nano ri Daut ondo' soroi mamaar ra rinding, kaa' nailiu ri Daut, saboi tutura' no nakatujok ra rinding. Nagiru' i Daut koson mamayag ra inan.