1 SAMUIL 18:1 - Tanou Moonsoi Timugon

¹ Nopongo noyo Raja' Saul am i Daut nagindagu. Kopongo raginio, anak ungkuyon ru Raja' Saul ondo' makainggalan ri Jonatan maansayan kaga' ri Daut, am tumalimpuun motogom riso koson ra io motogom ra inan nano galama'.

1 SAMUIL 18:1 ပူးပေါင်းရင်းမြစ်များ

KASAUKAN 44:30

Tungguli' poyo ri Jiuda, “Tuan, sabap raginio, amon ru muli' aku ra ama' kuno am kalio ibiton ku anak ti, maaru' matoi ama' mai. Painawo nano pinalansan no ra anak ti, ama' mai matutuo noyo am kangilukan ondo' porotongon mai riso makapamatoi riso.

2 SAMUIL 1:26

“Mangiluk guang kuno sabap ra okou, i Jonatan, pabukat kuno. Mapara' bonsoi muno raki'! Mapara' kinatulai ru togom muno raki', am matulai poyo intor ra togom ru ruandu'.

1 TUNUNG RU BANSA' ISRAIL 12:17

Inuma' ilo ri Daut am indagu, “Amon ru matong kau koson ra rangan koson mangindangan raki', pagamung no raki'. Apuon mai akau ra guang maringkuanang. Kaa' amon ru masaga' kau manumbalik raki' am parakapin aku ra pantula', kabalu' pana kalo igondo' aku kalaat ramuyun, i Aki Kapuuno' ondo' sambaan ru kinamatuaan takali makapandai raginio am ukumin No akau.”

MAZMUR 86:11

Ilaa' aku ra kasagaan Muno, iou Tuhan, am suguton ku am gagayaan ku; ilaa' aku ra mangurumat toojo Rirun.

AMSAL 18:24

Mokoondo' rangan ra kalo gumagaya', mokoondo' niayuk rangan ra moonsoi toojo ka pongkotob.

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

KOLOSI 2:2

Bagu raginio, guang nilai ti baani am mokopontogom ilo ra rondo' am bokon am niayuk makakalansanan ilo toojo sabap ra makakaintutunan ilo ra katapatan. Ginio am makaulig ilo poyo ra ondo' kalo igondo' pinabala' ri Aki Kapuuno', ioginio i Kristus galama'.

TINGGANAI RU BANSA' 20:11

Koson raginio noyo ulun ru Israil natimung koson mamulunsar ra bandar no.

1 SAMUIL 14:45

Kaa' indagu mamagun ra Raja' Saul, “Musiti' kia ukumin i Jonatan ra matoi? Sala' ka kia io nokoowot ra kamanangan ondo' maayo ti? Binantu' mai ralalom inggalan ru Tuhan ondo' naayag, santiis ra abuk ri Jonatan no pana kalo kulawon! Mabaya' ra indangan ru Tuhan, nokoowot io ra kamanangan ra orou raiti'.” Koon raginio noyo mamagun namayag ri Jonatan intor ra ukuman matoi.

1 SAMUIL 18:3

Nagibot i Jonatan koson rumangan ri Daut ra mantilayun, sabap ra motogom io kaga' ri Daut.

1 SAMUIL 19:1

Nambala' Raja' Saul ri Jonatan, anak ungkuyon nano am ngaangai' ru pagawai nano ra nangatang io koson mamatoi ri Daut. Kaa' motogom kaga' i Jonatan no ri Daut,

1 SAMUIL 19:2

am indagu io ri Daut, “Ama' kuno mirot mamatoi rirun. Ilalain ra susuab no. Pansibuni no ra rondo' intok moopot am ayan no ra giu' no.

1 SAMUIL 20:17

Ginio noyo kainduo ri Jonatan nakitaak ri Daut mabantu' koson motogom riso, sabap ra io galama' motogom ri Daut koson ra inan nano galama'.

1 SAMUIL 20:8

Makiindangan aku rirun sabap ra naigot tano ru nabantuan ra saang ru Tuhan. Kaa' amon ru aku makasala, potoyo' aku no, kaa' pai' aku pataako' ra ama' muno.”

1 SAMUIL 22:8

Ginio kia boo ra akau nampakat gumula' raki' am kolondo' sangulun pana nambala' raki' ra anak kuno galama' nanaung noyo ri Daut no? Kolondo' sangulun pana ramuyun nangkara' raki'. Kolondo' sangulun pana ramuyun nambala' raki' ra i Daut, ulun kuno galama', paat ra raino ti tatanga' maginaa ra kaluagan koson mamatoi raki', am i Jonatan, anak kuno nangunsu' noyo riso!”

1 SAMUIL 23:18

I Daut am i Jonatan pana nabantu' ra tutun giu' ra saang ru Tuhan. Kopongo raginio minuli' i Jonatan ra baloi nano, am i Daut liminayun ra Oris.