1 SAMUIL 17:8 - Tanou Moonsoi Timugon

⁸ Minigor i Goliat am pompogolok ra ulun ru Israil, “Atan kia tatanga' min baalon ra giu' no? Makimangayou kau kia? Aku ti ulun ru Palistin, akau ulipon ru Raja' Saul! Pilio' noyo sangulun ra akau ngai' no koson gumula' raki'.

1 SAMUIL 17:8 ပူးပေါင်းရင်းမြစ်များ

2 SAMUIL 11:11

Taam i Uria, “Saujor ru Israil am Jiuda tatanga' mangayou giu' ra pangayawan am Kaban Nabantuan ru Tuhan soroi nababaya' risilo. I Joab, panglima takau am pagawai-pagawai ru saujor nano niayuk tatanga' mangkim giu' ra padang malimparang. Ati kulaan aku muli', mangakan am manginum, am marumak ra andu' kuno? Nagibot aku ra sabap ra okou tuan kuno ra kalo mambaal aku ra baal raginio!”

1 TUNUNG RU BANSA' ISRAIL 21:3

Taam i Joab, “Gama' ru ruangin poyo ru Tuhan suang ru mamagun ru Israil saboi maatus ruli' intor ra suang ondo' soroi raino ti. Raja' kuno, kalo kia nakito toojo ra kiminuku' ilo rirun raja'? Kua musiti' paugaron panguntaban? Maagu no, sabap ra kasalaan raginio, ngaangai' bansa' makinibitan raginio!”

1 SAMUIL 17:23

Kaa' paat ra io magindagu risilo, ujak i Goliat am anggal ra saujor ru Israil koson ra ondo' maindalom nano baalon; norongog ri Daut ragu-ragu manggal nano.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 8:17

Alapon ru raja' no mopor piatus intor ra ngaangai' bibiag tinambiag mino. Mulu' poyo ra akau galama' masauk ra ulipon ru raja' no.