1 SAMUIL 17:51 - Tanou Moonsoi Timugon

⁵¹ Nasimbul i Daut minongoi ri Goliat am bigor ra sapapa' ru inan nano. Binutus no ilang ri Goliat intor ra angkap no am inggului' ulu ri Goliat; koson raginio noyo i Daut namatoi ri Goliat. Paat ra ulun ru Palistin nakakito ra ulun maikang nilono minatoi noyo, nagigiru' ilo.

1 SAMUIL 17:51 ပူးပေါင်းရင်းမြစ်များ

2 SAMUIL 23:21

Nakapamatoi io niayuk ra sangulun Misir, ondo' makainan ra maayo am nantutura'. Namulunsar io ra ulun no ra balantan nano. Nampagaau io poyo ra tutura' ru maayo ulun no am namatoi riso ra tutura' no.

2 SAMUIL 4:7

Narayus ilo minumpos ra lamin ru Raja' Isbosit liliwa' io tatanga' nakalunus. Toboko' nilo boo io saboi minatoi. Nanginggulu' ilo ra ulu ru Raja' Isbosit am ulu no inibit nilo minugar. Nosorondom ilo minugar nansail ra Limayak Jordan.

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

IBRANI 11:34

Mokoondo' niayuk nampalasa' ra apui makalalaa', mokoondo' nakapagiru' paat ra inuupan ru ulun makakinandoi. Malawo ilo kaa' nasauk ilo ra maikang, am makakau' ilo saboi nangala ilo ra saujor ru pagun ra bokon.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

1 SAMUIL 17:50

Kon raginio noyo ra kalo nanangilang, kinala ri Daut no i Goliat am namatoi riso ra pamalastik am batu.

1 SAMUIL 21:10

Paat ra orou raginio niayuk, nagiru' i Daut intor ra Raja' Saul, am minongoi ra Raja' Akis giu' ra bandar Gat.

1 SAMUIL 21:9

Taam i Agimilik, “Binulian ku ilang ri Goliat, ulun ru Palistin ondo' pinatoi muli giu' ra Limayak Ila. Ilang no soroi ra talikuron ru efod, linopot ra konoon. Amon ru masaga' kou ra ilang no, alapo' noyo, sabap ra ginio ayuk kinandoi mangayou ondo' soroi ragiti.” Indagu i Daut, “Ilang raginio noyo ondo' moonsoi kaga' ra titikop ru pagun; pataaki' noyo ilang no raki'!”

1 SAMUIL 31:9

Nanginggulu' ilo ra ulu ru Raja' Saul am nangalap ra bayang pangayawan nano. Kopongo raginio nangator ulun ru Palistin ra ulun sinusub mongoi ra titikop pagun ru Palistin koson mampasaboi ra tanou moonsoi no ra ngaangai' sinungkalalaing nilono am mamagun nilono.