1 SAMUIL 17:50 - Tanou Moonsoi Timugon

⁵⁰ Kon raginio noyo ra kalo nanangilang, kinala ri Daut no i Goliat am namatoi riso ra pamalastik am batu.

1 SAMUIL 17:50 ပူးပေါင်းရင်းမြစ်များ

TINGGANAI RU BANSA' 15:15

Katuum boo ri Simson rondo' bungul ru salura ru kaladai ondo' bagu minatoi. Alapo' no bungul no am namakai raginio koson pinamatoi ra saribu ngaulun.

TINGGANAI RU BANSA' 3:31

Tingganai ra sumunu' ti iono i Samgar anak ri Anat. Io niayuk nangayou am nampalabus ra ulun ru Israil. Namatoi io ra onom ngaatus ulun ru Palistin ra jujuga' gugunjau ra sapi'.

1 SAMUIL 13:22

Ginio ra, paat ra pangayawan giu' ra Mikmas, kolondo' sangulun pana intor ra saujor ru Israil nanangilang kapoam nantutura', ondo' ayuk am Raja' Saul am i Jonatan, anak ungkuyon nano.

1 SAMUIL 17:39

I Daut pana napaabil ra ilang ru Raja' Saul no ra bayang basi' no am kuminam mugar. Kaa' kalo makaugar i Daut, sabap ra kalo maindalom io mambayang ra bayang mangayou. Indagu io ra Raja' Saul, “Kalo makaugar aku ra bayang ragitio. Kalo maindalom aku mambayang raginio.” Aluso' boo ri Daut ngaangai' bayang mangayou no.

1 SAMUIL 17:49

Pinokokog ri Daut kalindu' nano ra ralalom ru kantungan nano, am nangalap ra rondo' batu am pinalastik batu no ra tampilon ri Goliat. Nakatiu' batu no ra rabas ri Goliat saboi kuapak nano nopopol. Paat raginio niayuk naaba' i Goliat am bulos no nakatukop ra tana'.

1 SAMUIL 17:51

Nasimbul i Daut minongoi ri Goliat am bigor ra sapapa' ru inan nano. Binutus no ilang ri Goliat intor ra angkap no am inggului' ulu ri Goliat; koson raginio noyo i Daut namatoi ri Goliat. Paat ra ulun ru Palistin nakakito ra ulun maikang nilono minatoi noyo, nagigiru' ilo.

1 SAMUIL 19:5

Pinataak no painawo nano paat io namatoi ri Goliat, am nanaak Tuhan no ra kamanangan ondo' maayo ra Israil. Okou galama' nakatainu raginio, am naansukan kou paat ragili. Kua kia raino masaga' kou mangimbolo' ra sangulun ondo' kolondo' sala, am masaga' mamatoi ri Daut ra kolondo' sasaban?”

1 SAMUIL 21:9

Taam i Agimilik, “Binulian ku ilang ri Goliat, ulun ru Palistin ondo' pinatoi muli giu' ra Limayak Ila. Ilang no soroi ra talikuron ru efod, linopot ra konoon. Amon ru masaga' kou ra ilang no, alapo' noyo, sabap ra ginio ayuk kinandoi mangayou ondo' soroi ragiti.” Indagu i Daut, “Ilang raginio noyo ondo' moonsoi kaga' ra titikop ru pagun; pataaki' noyo ilang no raki'!”

1 SAMUIL 23:21

Indagu Raja' Saul, “Gama' ru barakaton kau ru Tuhan sabap ra moonsoi raki'.