1 SAMUIL 17:47 - Tanou Moonsoi Timugon

⁴⁷ Ngaangai' ulun ragiti makakito ra Tuhan no kalo manangilang kapoam manantutura' koson mamayag ra ulun Nano. Magail io mamanang ralalom ru pangayawan, am pataakin No akau ngaangai' no ra ralalom ru kalindu' mai.”

1 SAMUIL 17:47 ပူးပေါင်းရင်းမြစ်များ

2 RAJA'-RAJA' 5:15

I Naaman nabaya' ra ngaangai' ru namaya' riso no siminaguli' ri Ilisa. Kon ri Naaman, “Raino nakapandai aku ra rondo' ayuk i Aki Kapuuno' ra titikop ru tana' ti, iono i Aki Kapuuno' ru Israil. Kasaga' no mangapu ra taak kutu.”

2 TUNUNG RU BANSA' ISRAIL 14:11

Nakiasi' Raja' Asa ra Tuhan, i Aki Kapuuno' nano, “Iou Tuhan, masaga' kou mangindangan ra saujor ondo' malawo koson Okou mangindangan ra pulalai ondo' maikang. Raino indangano' akai, iou Tuhan, i Aki Kapuuno' mai, sabap ra lumansan akai Rirun. Ralalom inggalan Muno, akai raino mingkual mangayou ra saujor ondo' maayo ti. Okou no i Aki Kapuuno' mai, iou Tuhan; kolondo' osoi pana malansan makapangala Rirun.”

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”

JAKARIA 4:6

Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

ROMA 8:37

Kaa' ralalom ru ngaangai' baal raginio kamanangan moowot takano maayo, sabap ra motogom i Kristus ritakau.

JOSUA 10:8

Indagu Tuhan ri Josua, “Pai' kalaa' risilo. Nanaak Aku noyo rirun ra kamanangan. Kolondo' sangulun pana intor risilo makaanggal rirun.”

1 SAMUIL 14:6

Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”

1 SAMUIL 18:17

Nangatang Raja' Saul maa' raginio potoyon i Daut no ru ulun ru Palistin ralalom ru pangayawan maa' raginio sala' ka Raja' Saul galama' ondo' mamatoi riso. Ginio ra, sangarawan raginio indagu Raja' Saul ri Daut, “I Mirab, anak ruandu' ra katuaan kuno, pawatin ku rirun, ginio ayuk ra mangandoi kou raki' masauk ra saujor ondo' baani am gumagaya', am niayuk mangayou ra tayar ru Tuhan.”