1 SAMUIL 17:40 - Tanou Moonsoi Timugon

⁴⁰ Kopongo raginio nagibit io ra jujuga' ru magalung nano, am nangalap ra limo batu ondo' tapungol intor ra sungoi, am batu no pinasuang ra ralalom ru kantungan nano. Nabaya' ra pamalastik ra kalindu' nano minongoi io tingkuang ri Goliat.

1 SAMUIL 17:40 ပူးပေါင်းရင်းမြစ်များ

MATIUS 10:10

Pai' pagibit ra katia' pakitaakan, kapoam konoon ralinan paat ra akau mugar, kapoam kasut am susukur, sabap ra sangulun mangngandoi musiti' makaalap ra ampos nano.

TINGGANAI RU BANSA' 3:31

Tingganai ra sumunu' ti iono i Samgar anak ri Anat. Io niayuk nangayou am nampalabus ra ulun ru Israil. Namatoi io ra onom ngaatus ulun ru Palistin ra jujuga' gugunjau ra sapi'.

1 SAMUIL 17:39

I Daut pana napaabil ra ilang ru Raja' Saul no ra bayang basi' no am kuminam mugar. Kaa' kalo makaugar i Daut, sabap ra kalo maindalom io mambayang ra bayang mangayou. Indagu io ra Raja' Saul, “Kalo makaugar aku ra bayang ragitio. Kalo maindalom aku mambayang raginio.” Aluso' boo ri Daut ngaangai' bayang mangayou no.

1 SAMUIL 17:41

Kopongo raginio tumalimpuun i Goliat mugar mongoi ri Daut, siniguluan ru ulun magibit ra kinandoi mangayou nano. Rayus io mininggaar ri Daut,