1 SAMUIL 17:26 - Tanou Moonsoi Timugon

²⁶ Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:26 ပူးပေါင်းရင်းမြစ်များ

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

2 TUNUNG RU BANSA' ISRAIL 32:17

Surat ondo' tinulisan ru raja' no manggal ra Tuhan, i Aki Kapuuno' ru Israil. Koon ragitio bolos no, “Dewa ru bansa'-bansa' ru bokon kalo poyo igondo' pamayag ra ulun sumamba ra dewa-dewa raginio intor ra kuasa' kuno, koon niayuk ra dewa ru Raja' Gijkia kalo makapamayag ra mamagun nano intor ra kuasa' kuno.”

NIGIMIA 5:9

Kopongo raginio indagu aku poyo, “Binaal mino nasala! Akau musiti' no malaa' am mangurumat ri Aki Kapuuno' am mambaal ra baal ondo' moonsoi. Koon raginio noyo, pantula' takau ondo' kalo mangintopot ri Aki Kapuuno' no, kalo makaalap ra sasaban koson magasab ritakau.

MAZMUR 44:13

Tinalan Mu ulun Muno ra atang kalo mologo, ra kalo mangalap ra sanganu pana kaulian.

MAZMUR 74:18

Kaa' karaa' noyo, iou Tuhan, ati kulaan pantula' Muno magasab Rirun; kalo makaulig ilo Rirun am magasab ilo Rirun.

MAZMUR 79:12

Iou Tuhan, balasi' noyo bansa'-bansa' raginio intulu' ruli', sabap ra nagasaban nilo Rirun.

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 9:25

Indagu Tuhan, “Masaboi paat no ra mangukum Aku ra ulun ru Misir, Jiuda, Idom, Amon, Moab, am mamagun ru tana' kaagisan ondo' nompolontob ra abuk nilo. Ngaangai' ru ulun no sinunatan noyo, kaa' kalo giminagaya' ra nabantuan ondo' tinatanduan ra sunat no. Kolondo' sangulun pana risilo am kolondo' sangulun pana ra ulun ru Israil ondo' giminagaya' ra nabantuan Kuno.”

YEHEZKIEL 28:10

Matoi kou koson ra ulun asabin, pinatoi ru ulun bansa' ra bokon ondo' kalo makaulig ri Aki Kapuuno'. Aku, Tuhan Raja' minindagu noyo.’ ”

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

DANIL 6:27

Manusub aku maa' raginio ngaangai' ulun ra titikop ru pamarintaan kuno mangurumat am malaa' ri Aki Kapuuno' ondo' sambaan ri Danil. Io noyo i Aki Kapuuno' ondo' naayag, Io mamarinta ra sabuoi-buoi no. Pamarintaan Nano totopot kalo mapuso, am kuasa' Nano kolondo' pupus.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

JOIL 2:19

Tumaam Io risilo, “Raino masaga' Aku mangani' ramuyun ra gandum, wain am umau jaitun, am basugon kau. Bansa'-bansa' ra bokon kalo boo magasab ramuyun.

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

1 SAMUIL 11:2

Indagu Raja' Nagas, “Mambaal aku ra nabantuan ramuyun ra rondo' kitaakon: Kiulon ku unor ru mato ra pamiris ru moonong ulun ondo' nanauyu' ra ngaangai' ru ulun ru Israil.”

1 SAMUIL 14:6

Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”

1 SAMUIL 17:10

Raino niayuk, anggalon ku saujor ru Israil; pilio' noyo sangulun ra akau ngai' no koson gumula' raki'!”

1 SAMUIL 17:30

Io pana minugar am nangkuot ra baal ra nogondo' ra saujor-saujor ra bokon no, am nogondo' ondo' pinataam riso no.

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.

1 SAMUIL 31:4

Kon ru Raja' Saul ra ulun nagibit ra kinandoi nano, “Butuso' ilang muno am potoyo' aku no, maa' raginio pai' ru ulun ru Palistin ondo' kalo nakaulig ri Aki Kapuuno' ti mangkukuli raki', am mamatoi raki'.” Kaa' ulun magibit ra kinandoi no kalo makakau' mambaal raginio. Ginio ra butuso' ru Raja' Saul ilang nano am tobok io galama'.