1 SAMUIL 17:24 - Tanou Moonsoi Timugon

²⁴ Pakakito saujor-saujor ru Israil ri Goliat, nagigiru' ilo ra nalaa'.

1 SAMUIL 17:24 ပူးပေါင်းရင်းမြစ်များ

JISAYA 30:17

Saribu ngaulun magiru' bulintok makakito ra sangulun pantula', am limo ngaulun pantula' sama' poyo mangkinibit ramuyun ngaangai' no magiru'. Saujor mino mapuso, am ondo' ayuk matatang no santaun lugu' ru bandira' giu' ra rasawat ru bulur.

JISAYA 7:2

Bulintok ra raja' Jiuda nokorongog ra saujor ru Siria soroi ra libung ru Israil, raja' am ulun nano mangalaa' kaga' saboi monontol koson ra puun ru tataun mauyog ru angin.

IMAMAT 26:36

“Mangkinibit Aku ramuyun ondo' pinatiran giu' pagun ru bokon malaa' kaga', saboi bolos ru raun ondo' siniob ru angin pana mangkinibit ramuyun magiru'. Magiru' kau saboi ilain ayuk ilowon ru pantula' ralalom pangayawan, am maratu' kau kabalu' pana kolondo' pantula' mamaar ramuyun.

UNTABAN 13:33

am nakakito akai ra maayo ulun, papag ri Inak ra giu'. Malimanan mai ra boborok koson ra gapu' am maaru' ginio noyo pangkaraan nilo ramon.”

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.

1 SAMUIL 17:11

Pokorongog Raja' Saul am saujor nano ra anggal no, magalabo ilo am nalaa' kaga'.

1 SAMUIL 17:23

Kaa' paat ra io magindagu risilo, ujak i Goliat am anggal ra saujor ru Israil koson ra ondo' maindalom nano baalon; norongog ri Daut ragu-ragu manggal nano.

1 SAMUIL 17:25

Konilo ra rondo' am bokon, “Ilai' ga boo io! Rongogo' anggal nano! Nambantu' noyo Raja' Saul ra ulun ondo' makapamatoi ri Goliat aniin ra taak ondo' maayo. Paanduin niayuk ru Raja' no anak ruandu' nano ra ulun raginio, am sasambaloi ru ulun raginio kalo boo pana mambayar ra cukai.”