1 SAMUIL 17:20 - Tanou Moonsoi Timugon

²⁰ Suabon no ra iosusuab ayuk poyo, timinirong i Daut am timinampos. Nanusub io ra ulun bokon magalung ra domba. Io pana nagibit ra akanon no am minugar koson ra nanusuban ri Isai. Nakasaboi io ra pangkiman nakainamot ra ulun ru Israil tatanga' baris liliwa' mompogolok ra pulanu ru pangayawan.

1 SAMUIL 17:20 ပူးပေါင်းရင်းမြစ်များ

LUKAS 19:43

Sabap ra masaboi paat no limpuin kou ru pantula' muno, ampangin am awangin kou ra ngaangai' intok.

JOSUA 3:1

Tawang ra suabon no, kiminarat mataki' i Josua am ngaangai' ulun ru Israil. Nangiruan ilo ra pangkiman giu' ra Sitim, am ongoi ra Sungoi Jordan. Nangkim ilo ra giu' no liliwa' naginaa koson lumaup ra sungoi no.

1 SAMUIL 15:12

Katawang ra suabon no ra iosusuab ayuk poyo, inuyum ri Samuil no Raja' Saul. Norongog ri Samuil ra minugar noyo Raja' Saul minongoi ra bandar Karmil koson manirong ra batu pangkaraan ra tayar nano galama' ra giu' no. Kopongo raginio narampus Raja' Saul minongoi ra Gilgal.

1 SAMUIL 17:19

Soroi ilo giu' ra Limayak Ila nababaya' ra Raja' Saul am ngaangai' ulun ru Israil ra bokon, ondo' tatanga' gumula' ra ulun ru Palistin.”

1 SAMUIL 17:21

Saujor ru Palistin am saujor ru Israil nantaluma' am timinampos koson mangayou.

1 SAMUIL 17:28

I Iliab, maayo kasaa' ri Daut, nokorongog ra pansunuran ri Daut am saujor-saujor no. Siminangit io ri Daut, am indagu, “Kua ongoi kou ragiti? Osoi ondo' sinusub muno magalung ra domba-domba muno giu' ra tana' kaagisan no? Nakapandai aku, okou ti lalaing malaat, ikakanuo' ra baani; minatong kou ragiti koson milong ayuk ra pangayawan ti, kalo kia?”

1 SAMUIL 26:5

Nagindibok i Daut minongoi ra pangkiman ru Raja' Saul, am kakito no ra kim kaalangan ru Raja' Saul no mamaar ri Abnir anak ri Nir, panglima ru saujor. Kim ru Raja' Saul no nakaayan tatanga' am saujor-saujor nano nangkim ra liput no.

1 SAMUIL 26:7

Paat ra rondom raginio i Daut am i Abisai simininok umpos ra pangkiman ru Raja' Saul, am nakakito ra Raja' Saul tatanga' nombolong giu' ra tanga' ru pangkiman. Tutura' ru Raja' Saul no paritansok ra tana' mamaar ra ulu nano. I Abnir am pulalai nano nombolong giu' ra liput ru Raja' Saul.