1 SAMUIL 16:7 - Tanou Moonsoi Timugon

⁷ Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”

1 SAMUIL 16:7 ပူးပေါင်းရင်းမြစ်များ

KASAUKAN 4:5

kaa' kalo naansayan Io ri Kain am taak nano. Ginio ra siminangit kaga' i Kain am kiminarus io toojo.

2 SAMUIL 14:25

Inompor i Absalom koson ra ulun ondo' maindon kaga' ra titikop ru Israil. Kolondo' sangulun pana ondo' maindon poyo intor riso. Intor ra pampalar ru kalayam saboi ra pompor ru abuk nano, kolondo' pipilat nano.

2 SAMUIL 7:20

Atan poyo ondo' maalap ku karagu Rirun! Makapandai Kou ra ngaangai' no intor ra ulipon Muti.

1 RAJA'-RAJA' 8:39

rongogo' noyo pakiasian nilo. Rongogo' noyo ilo intor ra intok inayanan Muno giu' ra suruga', am ampuno' am indangano' noyo ilo. Okou ayuk makapandai ra suang ru guang ru ulun. Ginio ra, baalo' noyo pamakuan ra ulun nogondo' ra binaal nano,

1 TUNUNG RU BANSA' ISRAIL 17:18

Atan poyo ondo' maragu kuno Rirun! Nakapandai Kou ra ngaangai' no intor ra ulipon Mutu, kaa' nangani' Kou ra pangurumatan raki'.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

2 TUNUNG RU BANSA' ISRAIL 6:30

rongogo' noyo pakiasian nilo. Rongogo' ilo intor ra intok ayanan Muno giu' ra suruga' am ampuno' ilo. Okou ayuk ondo' makapandai ra suang ru guang ru ulun. Ginio ra pamakuan ra moonong ulun mogondo' ra binaal nano,

AYUP 10:4

Pagilayan Muno koson kia ra pagilayan ru ulun?

AYUP 35:5

Pagilong ra limbowon am imansaa' mapara' kinasawat ru gaun.

MAZMUR 139:2

Napandayan Mu ngaangai' binaal kuno; intor ra maalur makarati' Kou ra kinara' kuno.

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

AMSAL 15:11

Amon ru makapandai Tuhan no ra nansalinut baal intor ra tana' ru ulun minatoi, maaru' mapandayan No niayuk pangkaraan ru ulun.

AMSAL 16:2

Moonong baalon ru ulun maaru' lair moonsoi ra pangkaraan nano galama', kaa' Tuhan mangaru' ra logo gogot ru guang nano.

AMSAL 24:12

Magu' lair mindagu kau ra babaal raginio sala' ka kandoi min, kaa' i Aki Kapuuno' makapandai am balasin no akau maya' ra binaal mino.

AMSAL 31:30

Kinantalur ti mamparuung ra mato, am kalo mantilayun; kaa' sangulun ruandu' mangurumat ra Tuhan musiti' io omporon.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 20:12

Kaa', iou Tuhan Ondo' Maayo Kaga' Kuasa', mabaya' ra matimpok mangkinam Kou ra ulun; nakapandai Kou ra suang ru guang am pangkaraan nilo. Ginio ra iowo' noyo aku magilong Rirun mambalos ra kalaatan ru pantula' kuno, sabap ra pataakon ku baal kuno Rirun.

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

JUANIS 7:24

Langgai' min noyo mangakim ra ulun maya' ra atan ondo' makito ayuk, kaa' akimi' min noyo maya' ra atan ondo' motopot.”

JUANIS 8:15

Akau mangakim ra ulun sumugut ra pamaguangan ru ulun; Aku kalo mangakim ra osoi ayuk pana.

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

2 KORINTUS 10:10

Mokoondo' mindagu ra, “Surat-surat ri Paulus malarom am moporos, kaa' paat ra io mokosoroi ritakau, malawo ulun no am ragu nano pana kalo sama' iningon.”

2 KORINTUS 10:7

Akau mangakim maya' ra ondo' makito min ayuk. Osoi ayuk makaliman ra io galama' i Kristus tatangan, moonsoi ra mangkara' io niayuk ra akai ti pana i Kristus tatangan, mogondo' riso.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

1 PITRUS 2:4

Intor poyo raginio, ibok am ratong kano ra Tuhan. Io ti mogondo' ra batu naayag, ondo' pinatiran noyo ru ulun ra kolondo' onong; kaa' Io no ondo' pinili' ri Aki Kapuuno' ra mokologo toojo.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

1 SAMUIL 2:3

Langgai' noyo ragu muno ra malilimbau, pai' indagu ra ragu masumbung. Sabap ra Tuhan no i Aki Kapuuno' Ondo' Makapandai Kaga', mangakim Io ra ngaangai' baalon ru ulun.

1 SAMUIL 9:2

I Kis ti mokoondo' ra sangulun anak ungkuyon makainggalan ri Saul, sangulun buayoi ondo' maindon am mapanggol. Maindon poyo i Saul intor ra ngaangai' ru ulun giu' ra Israil am niayuk masawat poyo; kasuangan no ulun ru Israil ra bokon no polos ayuk ra limbawo ri Saul.