1 SAMUIL 16:4 - Tanou Moonsoi Timugon

⁴ Binaal ri Samuil atan ondo' rinagu ru Tuhan no riso. Minongoi io ra Bitligim am tingganai ru bandar no minatong uma' riso ra nonontol ra malaa'. Nangkuot ilo, “Ratangan mutu magibit kia ra kaansayan?”

1 SAMUIL 16:4 ပူးပေါင်းရင်းမြစ်များ

KASAUKAN 35:19

Kopongo i Ragil minatoi, lobongo' io ra kiing ru ralan mongoi ra Iprat, raino intok raginio mauligan ra Bitligim.

KASAUKAN 48:7

Binaal ku gitio sabap ra ina' muli i Ragil. Tatanga' pangkiralanan kuno muli' intor ra bandar Misopotamia, ina' muli minatoi ra tana' ru Kanaan ondo' kalo maalur intor ra Iprata, mangiluk kaga' guang kuno. Linobong ku io giu' ra kiing ru ralan mongoi ra bandar Iprat.” (Raino Iprat mauligan ra Bitligim.)

2 SAMUIL 6:9

Kaa' malaa' niayuk Raja' Daut ra Tuhan. Kon ru Raja' Daut, “Raino ati kulaan kuno makapagibit ra Kaban Nabantuan no?”

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”

1 RAJA'-RAJA' 2:13

Kopongo raginio i Adonia anak ri Gagit, minongoi uma' ri Batsyiba, ina' ru Raja' Salomo. Pangkuot i Batsyiba ri Adonia, “Rinatangan mutu ra kuayan moonsoi kia?” Taam i Adonia, “Iou.”

2 RAJA'-RAJA' 9:22

Pangkuot Raja' Joram ra Raja' Jigu, “Okou matong ti koson ra rangan kia?” Kon ru Raja' Jigu, “Sala' ka lair koson ra rangan buoi ragiti lakat poyo masauk ragiti ilimu' sihir am sumamba ra sinungkalalaing ondo' pinuunan ri Ijibil, ina' muno raja'?”

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

LUKAS 2:4

Pintor boo i Jusup intor ra pekan Nasarit, giu' ra libung ru Galilia, am minongoi ra rondo' pekan makainggalan ra Bitligim ra pagun ru Judia, intok i raja' Daut inanak ra galing i. Minongoi io ra giu' no sabap ra io galama' papag ri Daut.

LUKAS 5:8

Kakito ri Simon baal raginio, igulatur io ra saang ri Jisus am indagu, “Iruani' aku, Tuhan! Sabap ra aku ti ulun makatula!”

LUKAS 8:37

Ngaangai' mamagun ru Girasa no nakitaak ri Jisus koson mangiruan ra intok raginio sabap ra nalaa' ilo kaga'. Ginio ra sakoi i Jisus ra parau am uli' Io no.

1 SAMUIL 21:1

Kopongo raginio minongoi i Daut ra Imam Agimilik giu' ra Nob. Nonontol i Agimilik miningkual tuum ri Daut, am pangkuot, “Kua ratong kou ragiti ra misasangulun?”