1 SAMUIL 16:14 - Tanou Moonsoi Timugon

¹⁴ Ambiluo ru Tuhan no nangiruan ra Raja' Saul, am inimbolo' io ru ambiluo malaat ondo' sinusub ru Tuhan.

1 SAMUIL 16:14 ပူးပေါင်းရင်းမြစ်များ

2 SAMUIL 7:15

Kaa' mantilayun togom Kuno riso nontopot ra bantu' Kuno. Bantu' Kuno riso rayuson Ku guuton, am sala' ka koson binaal Kuno ri Saul ondo' ininggi' Ku intor ra intok nano maa' raginio okou masauk ra raja'.

1 RAJA'-RAJA' 22:19

Kon poyo ri Mika, “Rongogo' ragu ru Tuhan! Nakito ku Tuhan manturung ra kurisi' Nano giu' ra suruga', am ngaangai' ru malaikat Nano minigor ra liput Nano.

1 RAJA'-RAJA' 22:22

‘Ati kulaan?’ Taam ambiluo no, ‘Mangkinibit aku ra ngaangai' nabi ri Agab no magabau.’ Indagu Tuhan, ‘Ongoyo' noyo ruungo' io. Makasugut kou.’ ”

MAZMUR 51:11

Palikaro' bulos Muno intor ra tula kuno, am pusoo' noyo ngaangai' kalaatan kuno.

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”

TINGGANAI RU BANSA' 16:20

Golok i Dilila, “Simson! Matong ulun ru Palistin!” Sukal i Simson am mangkara', “Makalabus aku koson ragili.” Kalo nalimanan ri Simson ra nangiruan noyo Tuhan riso.

TINGGANAI RU BANSA' 16:29

Kopongo raginio guuto' ri Simson karuruo lugu' ondo' nanungka' ra bangunan no. Liliwa' io napakapo ra kalindu' kait nano ra saluguan am kalindu' pamiris nano ra saluguan ra bokon,

TINGGANAI RU BANSA' 9:23

Kopongo raginio napatabual Tuhan ra pansangaran ri Abimilik am mamagun ru Sikgim, saboi giminuor ilo ri Abimilik.

1 SAMUIL 11:6

Paat ra Raja' Saul nakaining ra tanou no, kinuasa' io ru Ambiluo ri Aki Kapuuno', am sangit io boo.

1 SAMUIL 16:15

Indagu boo ulipon-ulipon ru Raja' Saul no riso, “Napandayan mai ra ambiluo malaat ondo' sinusub ru Tuhan no nangimbolo' rirun.

1 SAMUIL 16:16

Amon ru mangiou kou, nakatampos akai no maguyum ra sangulun ondo' mapandai mangkuli ra jitor. Paat ra okou imboloon ru ambiluo malaat no, ulun no makapangkuli ra jitor nano am okou makaliman ra moonsoi poyo.”

1 SAMUIL 16:23

Intor raginio, moonong ra Raja' Saul no subolon ru ambiluo malaat, kulion ri Daut jitor nano. Ambiluo malaat no pana mangiruan boo ra Raja' Saul, am Raja' Saul no pana matagulian am moonsoi saguli'.

1 SAMUIL 18:10

Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.

1 SAMUIL 18:12

Nalaa' Raja' Saul ri Daut sabap ra Tuhan mabaya' ri Daut, kaa' Tuhan no nangiruan noyo ra Raja' Saul.

1 SAMUIL 28:15

Kon ri Samuil ra Raja' Saul, “Kua ulisoo' mu aku am nampiau saguli' raki'?” Taam Raja' Saul, “Aku ti ralalom ru kapaganan maayo! Ulun-ulun ru Palistin mamulunsar raki', am i Aki Kapuuno' no nangiruan noyo raki'. Kalo boo tumaam Io raki', iou kia pinabala' galing ra nabi kapoam inupi. Ginio sabap ra aku nampiau rirun, maa' raginio mambala' kou raki' ra atan musiti' kuno baalon.”