1 SAMUIL 16:13 - Tanou Moonsoi Timugon

¹³ Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 16:13 ပူးပေါင်းရင်းမြစ်များ

2 SAMUIL 12:7

Kon ri Natan ra Raja' Daut, “Okou noyo ulun no! Gitio noyo rinagu ru Tuhan, i Aki Kapuuno' ru ulun ru Israil, ‘Nangalap Aku no rirun masauk ra raja' ru Israil am namayag rirun intor ri Saul.

2 SAMUIL 2:4

Kopongo raginio minatong ulun ru Jiuda ra Gibron, am ra upacara pangumawan, pinili' nilo i Daut nasauk ra raja' Jiuda. Pakaining Raja' Daut ra baangkai ru Raja' Saul no linobong noyo ru mamagun Jabis giu' ra Giliad no,

2 SAMUIL 23:1

Raja' Daut anak ri Isai iono ulun ondo' sinauk ri Aki Kapuuno' ra ulun maayo, am pinili' ri Aki Kapuuno' ri Jakub nasauk ra raja'. Nanulis Raja' Daut ra masuang rimbai ondo' moonsoi ra Israil, am gitio noyo ragu pupus nano:

2 SAMUIL 5:3

Kon raginio noyo ngaangai' tingganai ru Israil minuma' ra Raja' Daut giu' ra Gibron. Nambaal Raja' Daut ra nabantuan risilo, sauko' nilo boo io ra raja' ru Israil.

2 RAJA'-RAJA' 9:6

Kopongo raginio minumpos ilo ruo ra rondo' lamin, am pasasaro' ru nabi mamulok no umau jaitun no ra ulu ri Jigu liliwa' mindagu, “Tuhan, i Aki Kapuuno' ru Israil nampatanou ra, ‘Koon ragitio Aku mampalantik rirun masauk ra raja' ru ulun Kuno Israil.

1 TUNUNG RU BANSA' ISRAIL 11:3

Ginio ra ngaangai' tingganai ru ulun ru Israil minatong ra Raja' Daut giu' ra Gibron. Raja' Daut pana nambaal ra nabantuan ra tingganai-tingganai ru Israil no. Kopongo raginio pinasasar nilo umau jaitun ra ulu ru Raja' Daut koson mampalantik riso nasauk ra raja' ru Israil. Kasaukan ragitio nasauk koson ra ondo' binantu' ru Tuhan ondo' pinabala' galing ri Samuil.

MAZMUR 89:20

Galing i ralalom rondo' pagilangan, minindagu Kou ra ngaangai' ulipon Muno ondo' gumagaya', “Nangindangan Aku ra sangulun tutumula'; pataakon Ku panturungan Kuno ra ulun ondo' pinili' Kuno intor ra nasuangan ulun.

MAZMUR 89:21

Natuum Ku ulipon Kuno, i Daut am pasaukon Ku io ra raja', am riwon Ku io ra umau papasaukan.

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

UNTABAN 27:18

Indagu Tuhan ri Musa, “Piawo' noyo i Josua anak ri Nun. Io sangulun matanda'. Pabantaa' kalindu' muno ra rasawat ru ulu nano.

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

RINALATAN 13:22

Kopongo i Saul ininggi', papalito' ri Aki Kapuuno' i Daut koson ra raja' nilo. Gitio ragu ri Aki Kapuuno' ri Daut, ‘Napandayan Ku i Daut, anak ri Isai, kasagaan ru guang Kuno, am niayuk gumagaya' io ra ngaangai' susuban Kuno.’

IBRANI 1:9

Maansayan Kou ra katapatan am masisang Kou ra kalaatan. Ginio sabap ra Aku, i Aki Kapuuno', Tuhan Muno, nampili' am nangurumat Rirun am nangani' Rirun ra kaansukan maayo intor ra rangan-rangan Muno.”

IBRANI 11:32

Tunggulin ku poyo kia? Kaa' kalo niayuk makai' ku katunung baal ru ulun-ulun ru Israil, koson i Gidion, Barak, Simson, Jipta, raja' Daut, Samuil am poyo nabi-nabi ra bokon.

TINGGANAI RU BANSA' 11:29

Paat raginio Ambiluo ru Tuhan nanguasa' ri Jipta. I Jipta pana liniput ra titikop Giliad am Manasi, am saguli' ra Mijpa giu' ra Giliad. Intor ra giu' ongoi io ra Amon.

TINGGANAI RU BANSA' 13:25

Tumalimpuun kuasa' ru Tuhan mangikang riso paat io giu' ra Pangkiman ru Dan, ondo' nangkilolot ra Jora am Isytaol.

TINGGANAI RU BANSA' 14:6

Namulali' i Simson maikang ru kuasa' ru Tuhan. Bibinsango' boo ri Simson singa' no ra kalindu' nano, koson ayuk bibiag no ra sanginan anak kambing. Kalo nambala' i Simson ra matuo nano ra baal raginio.

TINGGANAI RU BANSA' 3:10

Kinuasa' i Otniil ru Ambiluo ru Tuhan, am nasauk io ra tingganai ru ulun ru Israil. Minongoi i Otniil pangayou, am nanaak Tuhan riso ra kamanangan ra raja' Misopotamia.

1 SAMUIL 1:19

Suabon raginio, i Ilkana am sasambaloi nano kiminarat ra mataki'. Pakasambayang ilo ra Tuhan, uli' ilo ra Rama. Narulug i Ilkana ra andu' nano i Ana, am iniou ru Tuhan pakiasian ri Ana.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 10:6

Paat raginio niayuk kuasaan kou ru Ambiluo ru Tuhan, am aniin kou ra paliso bagu, am maya' kou risilo saliligo am sogogolok.

1 SAMUIL 11:6

Paat ra Raja' Saul nakaining ra tanou no, kinuasa' io ru Ambiluo ri Aki Kapuuno', am sangit io boo.

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”

1 SAMUIL 18:12

Nalaa' Raja' Saul ri Daut sabap ra Tuhan mabaya' ri Daut, kaa' Tuhan no nangiruan noyo ra Raja' Saul.

1 SAMUIL 2:35

Mampili' Aku ra sangulun imam ondo' gumagaya' Raki' am ondo' mambaal ra ngaangai' ru susuban Kuno. Manaak Aku riso ra papag ondo' magail mangandoi tayar ra imam ra raja' ondo' pilion Kuno.