1 SAMUIL 16:12 - Tanou Moonsoi Timugon

¹² Ginio ra nanusub i Isai ra ulun minongoi pampiau ra anak pupusan nano. Io ti sangulun buayoi ondo' maindon, maligag am mato nano makasinda. Indagu Tuhan ri Samuil, “Gitio noyo ulun no. Pilio' noyo io!”

1 SAMUIL 16:12 ပူးပေါင်းရင်းမြစ်များ

SULABOI 4:7

Ragili tingganai-tingganai mai mapasau kaga' koson ra gapas ondo' mapulak kaga'. Ilo maayo inan am maikang, maligag am moonsoi.

RIMBAI PANGAMPARAN 5:10

Ambai kuno maikang am maindon; kolondo' mokogondo' riso kabalu' pana suang ru ulun no mopor ngaribu.

RINALATAN 7:20

Paat ragili i Musa inanak. Io am maindon toojo. Inalungan io buoi ru talu ngambulan ru matuo nali.

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

1 SAMUIL 17:42

kaa' paat ra io nakakito ri Daut am inimansaan no, nakakurit i Goliat ra magasab sabap ra lakat poyo kaga' mamulok i Daut am maindon.

1 SAMUIL 9:17

Pakakito i Samuil ri Saul, indagu Tuhan riso, “Gitio noyo ulun ra koon Kuli. Mamarinta io ra ulun Kuno.”

KASAUKAN 39:6

Pataako' ri Potipar ngaangai' kandoi nano ri Jusup, am intor raginio lumingongon io kalo manalingapu ra atan ayuk pana, ondo' ayuk am akanon nano. I Jusup ti maindon am makainan ra mapanggol.

IBRANI 11:23

Sabap ra pangintapatan noyo, matuo ri Musa nampasibuni riso buoi talu ngambulan ra io naanak, sabap ra ilai' nilo ra moonsoi kaga' lalagang no. Am kalo nalaa' ilo gumula' ra susuban ru raja'.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

KAINGKUALAN 2:2

Naganak boo ruandu' no ra sangulun anak ungkuyon. Kakito no ra mapara' bonsoi ru lalagang no, bunio' no lalagang no buoi talu ngansila'.

1 SAMUIL 17:55

Pakakito Raja' Saul ri Daut giminula' ri Goliat, nangkuot io ri Abnir, panglima saujor nano, “Abnir, osoi ra anak kia buayoi raginio?” Taam i Abnir, “Raja' kuno, kalo nakapandai aku.”

2 SAMUIL 7:8

Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

2 SAMUIL 23:1

Raja' Daut anak ri Isai iono ulun ondo' sinauk ri Aki Kapuuno' ra ulun maayo, am pinili' ri Aki Kapuuno' ri Jakub nasauk ra raja'. Nanulis Raja' Daut ra masuang rimbai ondo' moonsoi ra Israil, am gitio noyo ragu pupus nano:

1 RAJA'-RAJA' 1:34

Giu' no musiti' i Jadok am i Natan mapalantik ri Salomo masauk ra raja' ru Israil. Mopongo raginio musiti' kau manamput ra bujung am gumolok, ‘Naayag Raja' Salomo!’

MAZMUR 78:70

Pinili' No ulipon Nano, i Daut, am nangalap riso intor ra limayak makasakot,

JAKARIA 4:14

Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”