1 SAMUIL 16:1 - Tanou Moonsoi Timugon

¹ Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:1 ပူးပေါင်းရင်းမြစ်များ

1 RAJA'-RAJA' 8:16

‘Intor ra Aku nagibit ra ulun Kuno miningkual intor ra Misir, kalo poyo igondo' Aku nampili' ra bandar ra ati pana ra titikop ru Israil koson ra intok pambaalan ra baloi, intok sambayangan Raki'. Kaa' nampili' Aku rirun Daut, koson mamarinta ra ulun Kuno.’ ”

2 RAJA'-RAJA' 9:1

Paat raginio Nabi Ilisa nampiau ra sangulun intor ra nabi ondo' inila' nano intor ra pulalai ru nabi, am indagu io riso, “Tampos no am ongoi no ra Ramot giu' ra Giliad. Ibito' rarapu' makasuang ra umau jaitun.

2 RAJA'-RAJA' 9:3

Pasasaro' boo umau jaitun ti ra tampak ru ulu nano am indagu ra, ‘Koon ragitio Tuhan napatanou ra nampalantik Io rirun masauk ra raja' ru Israil.’ Mopongo ginio iruani' intok raginio ra mataki'.”

2 RAJA'-RAJA' 9:6

Kopongo raginio minumpos ilo ruo ra rondo' lamin, am pasasaro' ru nabi mamulok no umau jaitun no ra ulu ri Jigu liliwa' mindagu, “Tuhan, i Aki Kapuuno' ru Israil nampatanou ra, ‘Koon ragitio Aku mampalantik rirun masauk ra raja' ru ulun Kuno Israil.

1 TUNUNG RU BANSA' ISRAIL 11:3

Ginio ra ngaangai' tingganai ru ulun ru Israil minatong ra Raja' Daut giu' ra Gibron. Raja' Daut pana nambaal ra nabantuan ra tingganai-tingganai ru Israil no. Kopongo raginio pinasasar nilo umau jaitun ra ulu ru Raja' Daut koson mampalantik riso nasauk ra raja' ru Israil. Kasaukan ragitio nasauk koson ra ondo' binantu' ru Tuhan ondo' pinabala' galing ri Samuil.

1 TUNUNG RU BANSA' ISRAIL 28:4

Tuhan, i Aki Kapuuno' ondo' sambaan ru Israil nampili' raki' am papag kuno koson mamarinta ra Israil ra sabubuoi no. Nampili' Io ra bansa' ru Jiuda koson mampatampos ra sangulun tingganai, am intor ra bansa' raginio nampili' Io ra sasambaloi ru ama' kuno. Kopongo raginio intor ra sasambaloi ru ama' kuno, masaga' Io mampili' raki' am nampasauk raki' ra raja' ru titikop ru Israil.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 55:4

Sotopot no, sinauk Ku io ra tingganai am panglima, sasi' intor ra kuasa' Kuno ra bansa'-bansa'.

JIRIMIA 11:14

Okou Jirimia, pai' pakiasi' koson risilo kapoam makiindangan Raki' koson risilo! Paat ra ilo ralalom ru kapaganan am makiindangan Raki', marara' Aku mangkirongog risilo.”

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

JIRIMIA 7:16

Indagu Tuhan, “Jirimia, pai' no pakiasi' ra ulun ragitio. Pai' no pampiau makiindangan kapoam makiasi' koson risilo; pai' no pakimasi' Raki', sabap ra marara' Aku rumongog rirun.

JAKARIA 4:14

Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”

ROMA 15:12

Kon poyo ru Nabi Jisaya, “Matong sangulun intor ra papag ru Isai; mamarinta Io ra bansa'-bansa', am lumansan ilo Riso.”

IBRANI 11:32

Tunggulin ku poyo kia? Kaa' kalo niayuk makai' ku katunung baal ru ulun-ulun ru Israil, koson i Gidion, Barak, Simson, Jipta, raja' Daut, Samuil am poyo nabi-nabi ra bokon.

1 JUANIS 5:16

Amon ru makakito kau ra osoi ayuk pabukat min mambaal ra tula ondo' kalo magibit ra kapatayan, pakiasi' kano ri Aki Kapuuno' maa' raginio bayagon boo ulun no ri Aki Kapuuno', ioginio ulun ondo' tula nilono kalo magibit ra kapatayan. Kaa' mokoondo' niayuk tula ondo' magibit ra kapatayan, am kalo mindagu aku ra musiti' kau makiasi' ri Aki Kapuuno' koson raginio.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 15:26

Kaa' taam i Samuil, “Kalo masaga' aku maya' rirun. Nangimpai kou noyo ra susuban ru Tuhan, am raino nangimpai Io rirun koson raja' ru Israil.”

1 SAMUIL 15:35

Polos ra pupus ru bayag nano, kalo boo igondo' i Samuil timinuum ra Raja' Saul, kaa' nangiluk guang ri Samuil sabap ra pansagulian Tuhan nampili' ra Raja' Saul nasauk ra raja' ru Israil.

1 SAMUIL 16:15

Indagu boo ulipon-ulipon ru Raja' Saul no riso, “Napandayan mai ra ambiluo malaat ondo' sinusub ru Tuhan no nangimbolo' rirun.

1 SAMUIL 16:23

Intor raginio, moonong ra Raja' Saul no subolon ru ambiluo malaat, kulion ri Daut jitor nano. Ambiluo malaat no pana mangiruan boo ra Raja' Saul, am Raja' Saul no pana matagulian am moonsoi saguli'.

1 SAMUIL 17:12

I Daut anak ri Isai, ulun ru Iprata intor ra Bitligim giu' ra Jiuda. I Isai mokoondo' ra balu' ngaulun anak ungkuyon am paat ra pamarintaan ru Raja' Saul, i Isai ti matutuo noyo kaga'.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”