1 SAMUIL 15:9 - Tanou Moonsoi Timugon

⁹ kaa' Raja' Saul am ulun nano kalo namatoi ra Raja' Agag. Kalo niayuk pinatoi nilo domba am sapi' ondo' molomok kaga', anak ru sapi' am anak ru domba ondo' molomok kaga', am ngaangai' ru ondo' mokologo; pinuso nilo ayuk ondo' kolondo' onong am kolondo' logo.

1 SAMUIL 15:9 ပူးပေါင်းရင်းမြစ်များ

1 SAMUIL 15:15

Taam Raja' Saul, “Ulun-ulun kuno nanalingaau ra bibiag tinambiag no intor ra ulun ru Amalik. Domba am sapi' ondo' molomok kaga' inalap noyo ru ulun-ulun kuno koson pataakon ra tayar ru taak simbalui ra Tuhan, i Aki Kapuuno' muno. Kaa' bibiag ra bokon no pinuso mai noyo lingono'.”

1 SAMUIL 15:19

Kua kia boo rirun ti kalo giminagaya' Riso? Kua kia agou-agou kou nanalingaau ra rapu' nilono am nambaal ra ondo' kalo kasagain ru Tuhan?”

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”

JOSUA 7:21

Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

2 SAMUIL 6:13

Kopongo ulun ondo' nangkayang ra Kaban Nabantuan minugar onom ngatumpang ra pagulu, panusub Raja' Daut risilo muog. Papataak io boo ra taak simbalui ra Tuhan, iono sanginan sapi' gawayan am sanginan anak ru sapi' ondo' kinolomok.

1 SAMUIL 15:10

Indagu Tuhan ri Samuil,

JOSUA 6:18

Kalo pangalapon kau ra atan pana ondo' musiti' pusoon. Amon ru mangalap kau raginio, maparatong kau ra kapaganan am kapusaan ra pangkiman ru Israil.

1 SAMUIL 28:18

Kalo giminagaya' kou ra susuban ru Tuhan. Kalo linuus min ulun ru Amalik am ngaangai' ru longgom nilo. Ginio noyo sabap ra Tuhan nambaal ragitio rirun raino.

1 RAJA'-RAJA' 20:34

Indagu Raja' Bingadad riso, “Bandar-bandar ragili ondo' ginaau ru ama' kuli intor ra ama' muli, pasagulion ku rirun. Patirongon mu pusor pantalanan giu' ra Damsyik koson ragili ondo' pinatirong ru ama' kuli giu' ra Samaria.” Taam Raja' Agab, “Ra kitaakon ti palabuson ku raja'.” Nambaal ilo ra pangiawan, Raja' Agab pana nangiou ra Raja' Bingadad minugar.

MATIUS 26:9

“Umau raginio maalap katalan ra mologo kaga' am ruit no tatayaron ra ulun musikin!”