1 SAMUIL 15:32 - Tanou Moonsoi Timugon

³² Kopongo raginio nanaak i Samuil ra susuban, “Ibito' min Raja' Agag no ragiti.” Raja' Agag no pinauma' riso, am nonontol Raja' Agag ra nalaa' sabap indoson no, “Mapara' boo kinapait ru kapatayan.”

1 SAMUIL 15:32 ပူးပေါင်းရင်းမြစ်များ

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

1 SAMUIL 15:31

Ginio ra i Samuil minaya' ra Raja' Saul siminaguli' ra Gilgal, am Raja' Saul no siminambayang ra Tuhan.

1 SAMUIL 15:33

Kon boo ri Samuil, “Koson ra ilang muno nangkinibit noyo ra masuang ina' naluusan ra anak, kon raginio niayuk ra ina' muno maluusan ra anak nano.” Puputulo' boo ri Samuil no Raja' Agag giu' ra saang ru altar giu' ra Gilgal.

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

JOSUA 10:22

Indagu boo i Josua, “Ukabo' kabang ru luang batu no am ibito' raki' limo ngaulun raja' no.”

TINGGANAI RU BANSA' 8:11

Nansusug i Gidion ra balitan ru tana' kaagisan giu' ra tampilon ru sirangon Noba am Jogbiga, am namulunsar ra saujor ru pantula' ra namulali'.