1 SAMUIL 15:28 - Tanou Moonsoi Timugon

²⁸ Ginio ra kon ri Samuil ra Raja' Saul, “Paat ra orou raiti' niayuk rinilak noyo ru Tuhan no pamarintaan ru Israil intor rirun am pinataak ginio ra ulun ra bokon ondo' moonsoi poyo intor rirun.

1 SAMUIL 15:28 ပူးပေါင်းရင်းမြစ်များ

2 SAMUIL 3:18

Gitio noyo kaluagan min. Karaa' noyo ra binantu' noyo ru Tuhan kon raginio, ‘Mamakai Aku ra ulipon Kuno i Daut koson mamayag ra ulun Kuno Israil intor ra ulun ru Palistin am intor ra ngaangai' pantula' ra bokon.’ ”

2 SAMUIL 3:9

Moonsoi poyo mangindangan aku ra Raja' Daut, sabap ra binantu' noyo ru Tuhan riso koson manalison ra pamarintaan ti intor ra Raja' Saul am papag nano, am Raja' Daut pasaukon ra raja' ru ngaangai' Israil am Jiuda. Polosoon noyo i Aki Kapuuno' no mamatoi raki' amon ru kalo suguton ku bantu' ri Aki Kapuuno' ra Raja' Daut.”

2 SAMUIL 6:21

Taam Raja' Daut, “Mansayau aku koson mangurumat ra Tuhan. Nangimpai Io ra ama' muli am niayuk sasambaloi muno, am nampili' raki' koson ra tingganai ru ulun Nano Israil. Rumayus aku mansayau am tumampos ra asabin janjain poyo intor ra raitii' ni koson mangurumat ra Tuhan. Mataman kou raki', kaa' ulipon-ulipon ruandu' no mangurumat raki'!”

1 RAJA'-RAJA' 11:11

Indagu Tuhan, “Sabap no ra siminingon kou minanggal ra nabantuan muno Raki', am minanggal kou ra susuban Kuno, magibot Aku ra alapon Ku pamarintaan muno am pataakin ginio ra sangulun ra pagawai muno.

1 TUNUNG RU BANSA' ISRAIL 10:14

am kalo nakitulu' intor ra Tuhan. Ginio ra Tuhan nangukum matoi ra Raja' Saul am nampataak ra pamarintaan nano ri Daut anak ri Isai.

AYUP 34:24

Io kalo pana manutun am mangimumui ra ulun manguasa' ra kalo poyo mopolonggo' risilo, am mampatalison ra ulun malit risilo.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

RINALATAN 13:22

Kopongo i Saul ininggi', papalito' ri Aki Kapuuno' i Daut koson ra raja' nilo. Gitio ragu ri Aki Kapuuno' ri Daut, ‘Napandayan Ku i Daut, anak ri Isai, kasagaan ru guang Kuno, am niayuk gumagaya' io ra ngaangai' susuban Kuno.’

ROMA 13:1

Moonong ulun musiti' gumagaya' ra parinta, sabap ra ngaangai' kuasa' nilono intor ri Aki Kapuuno' am parinta ra raino ti pana inaru' noyo ri Aki Kapuuno'.

1 SAMUIL 13:14

Kaa' raino pamarintaan muno kalo mabuoi. Sabap ra okou kalo giminagaya' Riso, Tuhan no maguyum ra ulun bokon ondo' kasagain Nano koson pilion masauk ra raja' ru ulun Nano.”

1 SAMUIL 16:12

Ginio ra nanusub i Isai ra ulun minongoi pampiau ra anak pupusan nano. Io ti sangulun buayoi ondo' maindon, maligag am mato nano makasinda. Indagu Tuhan ri Samuil, “Gitio noyo ulun no. Pilio' noyo io!”

1 SAMUIL 18:8

Kalo naansayan Raja' Saul nangkirongog ra rimbai no, am sangit io boo. Indagu Raja' Saul, “I Daut no kinara' namatoi ra opor-opor ngaribu ngaulun pantula', am aku ti kinara' ayuk namatoi ra riribu ngaulun pantula'. Kalo boo mabuoi saukon nilo io ra raja'!”

1 SAMUIL 25:30

Mambaal Tuhan ra ngaangai' moonsoi ondo' binantu' Nano rirun, am kalo boo mabuoi okou pasaukon No ra raja' ru Israil.