1 SAMUIL 15:26 - Tanou Moonsoi Timugon

²⁶ Kaa' taam i Samuil, “Kalo masaga' aku maya' rirun. Nangimpai kou noyo ra susuban ru Tuhan, am raino nangimpai Io rirun koson raja' ru Israil.”

1 SAMUIL 15:26 ပူးပေါင်းရင်းမြစ်များ

KASAUKAN 42:38

Kaa' indagu i Jakub, “Kalo paayaan ku rirun anak kuno. Pagaka' nano minatoi noyo am raino io ayuk soroi. Maaru' makakalaatan masauk riso ra pangkiralanan. Aku ti matutuo noyo am kangilukan porotongon min raki' mangkinibit ra patayan kuno.”

2 SAMUIL 12:9

Kaa' kua anggal kou ra susuban Kuno? Kua pambaal kou ra baal malaat no? Siningon mu nompoloso ri Uria minatoi ra tatanga' ru pangayawan. Nompoloso kou ra ulun ru Amon namatoi riso, am namundus ra andu' nano!

2 SAMUIL 7:15

Kaa' mantilayun togom Kuno riso nontopot ra bantu' Kuno. Bantu' Kuno riso rayuson Ku guuton, am sala' ka koson binaal Kuno ri Saul ondo' ininggi' Ku intor ra intok nano maa' raginio okou masauk ra raja'.

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

GOSIA 13:11

Ralalom ru sangit Kuno inanian Takamin ra raja'-raja', kaa' ra guang malasu' Aku nangalap risilo mugar.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

RINALATAN 13:22

Kopongo i Saul ininggi', papalito' ri Aki Kapuuno' i Daut koson ra raja' nilo. Gitio ragu ri Aki Kapuuno' ri Daut, ‘Napandayan Ku i Daut, anak ri Isai, kasagaan ru guang Kuno, am niayuk gumagaya' io ra ngaangai' susuban Kuno.’

2 JUANIS 1:11

Osoi ondo' mangapu am tumabi' ra ulun ra raitii' ni, arati' no, maya' io ra ulun raginio mambaal ra kalaatan.

1 SAMUIL 13:14

Kaa' raino pamarintaan muno kalo mabuoi. Sabap ra okou kalo giminagaya' Riso, Tuhan no maguyum ra ulun bokon ondo' kasagain Nano koson pilion masauk ra raja' ru ulun Nano.”

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 15:31

Ginio ra i Samuil minaya' ra Raja' Saul siminaguli' ra Gilgal, am Raja' Saul no siminambayang ra Tuhan.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.

1 SAMUIL 28:18

Kalo giminagaya' kou ra susuban ru Tuhan. Kalo linuus min ulun ru Amalik am ngaangai' ru longgom nilo. Ginio noyo sabap ra Tuhan nambaal ragitio rirun raino.