1 SAMUIL 15:24 - Tanou Moonsoi Timugon

²⁴ Korongog ragu-ragu no indagu Raja' Saul ri Samuil, “Topot makatula aku noyo ra maayo. Minanggal aku noyo ra susuban ru Tuhan am napalilian ra bilin muli. Malaa' aku ra ulun-ulun kuno, am iniou ku kinitaak nilo.

1 SAMUIL 15:24 ပူးပေါင်းရင်းမြစ်များ

KASAUKAN 3:12

Taam ungkuyon i, “Ruandu' ondo' pinamarangan Mu raki' ti nai nangani' raki' ra kawa' no am akano' ku boo.”

KASAUKAN 3:17

Indagu boo Tuhan i Aki Kapuuno' ra ungkuyon no, “Inining mu ragu ru andu' muno am nangakan ra kawa' ondo' kalo paakanin Kuli rirun. Ginio boo intor ra binaal muno, inulas Ku tana' ti. Okou mingkotog toojo mangandoi saboi ra pupus ru bayag muno maa' raginio tana' ti makaampos ra akanon ondo' maukop ra akanon min.

2 SAMUIL 12:13

Kon ru Raja' Daut ri Natan, “Sotopot no natulaan aku noyo ra Tuhan.” Taam i Natan, “Nangampun noyo Tuhan no rirun, am kalo matoi kou.

AYUP 31:34

Ragu ru kasuangan kalo malaa' aku, am pagasaban ru ulun kalo lioon ku; kalo igondo' aku soroi ra baloi kapoam mongkoror ayuk, sabap malaa' ra ilo magasab.

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

KAINGKUALAN 10:16

Pampiau mataki' raja' ri Musa am i Arun, indagu io, “Makatula' aku ra Tuhan i Aki Kapuuno' min am akau.

KAINGKUALAN 23:2

Pai' pagibaya' ra kasuangan ulun paat ra ilo mambaal ra kalaatan kapoam mapatumbalik ra katimpakan am mangani' ra inono' kalo motopot.

KAINGKUALAN 9:27

Pampiau boo raja' ri Musa am i Arun am indagu, “Raino ti natulaan aku. Motopot toojo Tuhan no, aku am mamagun kuno makasala.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

JIRIMIA 38:5

Indagu Raja' Jidikia, “Ginio poyo, guguang min mambaal ra kasagaan min riso. Kalo inggalarin takamin.”

UNTABAN 22:34

Taam i Biliam, “Makatula aku noyo. Kalo nakapandai aku ra minigor kou ra saang koson mongompong raki'. Amon ru guang muno, kalo musiti' no mugar aku, gino poyo muli' aku.”

MATIUS 27:4

Kono, “Natulaan aku noyo sabap ra nampataak ra ulun kolondo' sala saboi inukum Io potoyo'!” Kaa' taam ilo, “Pai' ru akai, okou nambaal!”

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

1 SAMUIL 15:15

Taam Raja' Saul, “Ulun-ulun kuno nanalingaau ra bibiag tinambiag no intor ra ulun ru Amalik. Domba am sapi' ondo' molomok kaga' inalap noyo ru ulun-ulun kuno koson pataakon ra tayar ru taak simbalui ra Tuhan, i Aki Kapuuno' muno. Kaa' bibiag ra bokon no pinuso mai noyo lingono'.”

1 SAMUIL 15:30

Taam Raja' Saul, “Makatula aku noyo. Kaa' pangindangan no, baya' no raki' sumaguli' maa' raginio makasambayang aku ra Tuhan, i Aki Kapuuno' muno. Kon raginio ra okou mangurumat raki' ra saang ru tingganai-tingganai ru mamagun am ngaangai' ulun ru Israil.”

1 SAMUIL 15:9

kaa' Raja' Saul am ulun nano kalo namatoi ra Raja' Agag. Kalo niayuk pinatoi nilo domba am sapi' ondo' molomok kaga', anak ru sapi' am anak ru domba ondo' molomok kaga', am ngaangai' ru ondo' mokologo; pinuso nilo ayuk ondo' kolondo' onong am kolondo' logo.

1 SAMUIL 2:29

Kaa' kua kia lakat kou poyo mangangkum ra taak am taak simbalui ondo' pinataak ru ulun Kuno Raki'? Mapataak ilo ra ngaangai' no Raki' sumugut ra susuban Kuli risilo. Okou Ili, kua kia okou mangurumat poyo ra anak-anak muno intor ra mangurumat Raki', am nompoloso risilo liminomok ra tayar moonsoi kaga' intor ra moonong taak simbalui ondo' pinataak ru ulun Kuno Raki'?

1 SAMUIL 26:21

Taam Raja' Saul, “Sotopot no makatula noyo aku ti. Saguli' no, alii ri Daut anak kuno! Kalo boo lumaat aku rirun. Rondom i pinoloso mu aku naayag. Sasambungon aku kaga'! Binaal kuti jajajou kaga'!”