1 SAMUIL 15:22 - Tanou Moonsoi Timugon

²² Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.

1 SAMUIL 15:22 ပူးပေါင်းရင်းမြစ်များ

KASAUKAN 4:4

I Abil pana nangalap boo ra sanginan anak domba ondo' anak kasaa' intor ra domba nano am simbaluyo' no, am io pana nampataak ra tayar ondo' moonsoi kaga' ra Tuhan. Naansayan Tuhan ri Abil am taak nano,

KAINGKUALAN 19:5

Raino amon gumagaya' kau Raki' am gumuut ra nabantuan Kuno, masauk kau ra ulun Kuno galama'. Titikop ru tana' ti Aku tatangan, kaa' masauk kau ra ulun pilion Kuno.

AMSAL 21:3

Binaal ra moonsoi am matimpok mapabansuk ra guang ru Tuhan ka taak simbalui ra pataakon.

MAMPATANOU 5:1

Guango' galing ra kalo poyo mindagu, am pai' lingasi' makimabantu' ri Aki Kapuuno'. Soroi Io giu' ra suruga' am okou soroi ra tana' ti, pai' indagu amon kalo maatang.

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

JIRIMIA 26:13

Ginio ra musiti' kau mangulau ra kaayagan am binaal min; gagaya' kano ra Tuhan, i Aki Kapuuno' min, maa' raginio kalo suguton No inatangan Nano koson mampalumpa' ra karaat no ramuyun.

GOSIA 6:6

Masaga' Aku poyo ra akau motogom Raki' ka mampataak ra taak simbalui Raki'. Masaga' Aku poyo ra akau makaulig Raki' ka monolob ra taak simbalui Raki'.

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

MATIUS 12:7

Mokoondo' tinulisan ra Buuk Kitab, ‘Marara' Aku ra taak ondo' sinimbalui min kaa' masaga' Aku ra makaasi' kau ra ulun bokon.’ Amon ru nakarati' kau ra atan koson ru raguon no, maaru' kalo manguu' kau ra ulun ondo' kolondo' sala.

MATIUS 23:23

“Aibui boo ramuyun, mangingila' ra Ukum ri Musa am akau ulun ru Parisi! Maabau-abau kau! Mangani' kau niayuk ri Aki Kapuuno' mopor piatus intor ra apa' pampagamis ra akanon pana, ioginio selasih, adas manis am jintan. Kaa' ondo' maatang kaga' ra Ukum ri Musa, ioginio koson katimpakan, makaasi' am gagaya', polosoon min ayuk! Gitio noyo panusuban ru Ukum ti ondo' musiti' min suguton am susuban ra bokon pana kalo lilianin.

MATIUS 5:24

polosoo' mu ayuk poyo taak no ra giu' no am mongoi pansaung galing ra pabukat muno, bagu no sumaguli' mongoi pampataak ra taak muno ri Aki Kapuuno'.

MATIUS 9:13

Uyumo' min noyo atan arati' tinulisan ra Buuk Kitab ti: ‘Marara' Aku ra taak simbalui min kaa' masaga' Aku ra makaasi' kau ra ulun bokon.’ Aku minatong sala' ka mampiau ra ulun ondo' moonsoi rokokoon, kaa' mampiau ra ulun ondo' karaan ra malaat.”

MARKUS 12:33

Ulun musiti' motogom ri Aki Kapuuno' ra topot-topot ru guang, kaayagan, pangkaraan am niayuk ikang nano. Io niayuk musiti' motogom ra ulun ra bokon koson io motogom ra inan galama'. Gumagaya' ra panusuban ra ruo ti maatang kaga' intor ra mampataak ri Aki Kapuuno' ra taak simbalui solobon am niayuk taak-taak simbalui ra bokon.”

1 SAMUIL 13:12

Ginio ra nangkara' aku, ‘Ati lair ru saujor ru Palistin mataki' mamulunsar raki' ragiti, ra Gilgal, alika aku ti kalo poyo nakimasi' ra Tuhan.’ Ginio sabap ra namatas aku koson mapataak ra taak simbalui.”

1 SAMUIL 13:13

Taam i Samuil, “Sasambungon binaal muno. Kalo giminagaya' kou ra susuban ru Tuhan, i Aki Kapuuno' muno, rirun. Amon ru giminagaya' kou, maaru' mangiou Tuhan no rirun am papag muno mamarinta ra Israil ra mantilayun.