Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 SAMUIL 15:11 - Tanou Moonsoi Timugon

11 “Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.

အခန်းကိုကြည့်ပါ။ ကော်ပီ




1 SAMUIL 15:11
44 ပူးပေါင်းရင်းမြစ်များ  

Ginio ra pansagulian boo Tuhan napasauk risilo am napaayan ra tana' ti. Nasindualan kaga' Tuhan.


Ginio ra indagu Io boo, “Pusoon Ku ngaangai' ondo' sinauk Kutu, susuit am bibiag ra bokon sabap pansagulian Aku kaga' napasauk risilo.”


Malaikat ru Tuhan nakasaboi noyo ra intok pangagikan ra gandum longgom ri Arauna, ulun ru Jibusi. Paat ra Tuhan nakakito ra nakatampos noyo malaikat no mamuso ra Jirusalim, kulawo' ru Tuhan kapatasan Nano koson mangukum ra ulun raginio. Indagu Io ra malaikat ondo' tatanga' mamatoi ra ulun raginio, “Sama'! Langgai'!”


Kabalu' pana ra Tuhan, i Aki Kapuuno' ru Israil minintalang saboi induo ra Raja' Salomo, am manginggalar riso sumamba ra tuhan-tuhan ra bokon, kaa' kalo gumagaya' Raja' Salomo no ra Tuhan. Ambabayon ra nangiruan io ra Tuhan. Ginio ra siminangit Tuhan ra Raja' Salomo.


Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,


Kopongo raginio nanusub Tuhan ra rondo' malaikat koson mamuso ra Jirusalim. Kaa' paat ra malaikat no nakasaboi mamaar ra pangagikan ra gandum longgom ri Arauna ulun ru Jibusi, kinulau ru Tuhan kapatasan Nano koson mangukum ra Jirusalim. Indagu Io ra malaikat no, “Sama' noyo! Langgai'!”


sabap ra kalo boo maya' ilo Riso; am kalo linio nilo ngaangai' susuban Nano.


Manguu' ilo raki', kabalu' pana tagamin ku ilo, am makiasi' aku ri Aki Kapuuno' ra koson risilo.


Nambaal Tuhan ra bantu' am kalo luguton No sagulio' bantu' Nano, “Sabubuoi no okou masauk ra imam, koson ri Milkisidik.”


Lomou kuno tumulisan koson ra sungoi, sabap ra ulun kalo gumagaya' ra Ukum Muno.


Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!


sabap ra ilo malilimbau, mangkara' ilo tula nilo kalo mapandayan am kalo kasisangin.


Masalok ilo mangkinam ri Aki Kapuuno', am mapakaruol ra guang ru Io Ondo' Matulai Kaga', i Aki Kapuuno' ru ulun ru Israil.


Lumaat ilo am kalo gumagaya' koson niayuk ra kinamatuaan nilai; koson ra panah napikong, kalo malansanan ilo.


Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?


Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.


Nambaal ilo ra tula ondo' binaal ru kinamatuaan nilai ondo' marara' gumagaya' Raki'; sinamba nilo tuhan-tuhan ra bokon. Israil am poyo Jiuda minanggal ra nabantuan ondo' binaal Kuno ra kinamatuaan nilai.


Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.


Kaa' akau pana nangulau ra pangkaraan am nagasab Raki'. Ulipon-ulipon ondo' pinalabus min sumugut ra kasagaan min, inalap min saguli' am jinajalan min nasauk saguli' ra ulipon.


Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.


Indagu mamagun ru Jiuda, “Susubo' ilo tumaki' marimbai ra rimbai panguliran ramon, saboi mato mai mototop ra lomou, am bingkolot ru mato mai maasa' sabap ra mantangi'.”


“Kaa' amon ru sangulun moonsoi lumonggo' mambaal ra moonsoi, am tumalimpuun mambaal ra malaat am mambaal ra baal-baal ondo' binaal ru ulun malaat, maayag io ayuk kia? Kalo! Ngaangai' baal moonsoi ondo' igondo' binaal nano kalo karaan. Matoi io sabap ra kalo gumagaya' io Raki' am sabap ra makatula io noyo.


Nangulau Tuhan ra guang Nano am indagu, “Baal ondo' nakito mino kalo masauk.”


Nakito ri Aki Kapuuno' binaal nilo; nakito No ra ilo kalo boo nambaal ra malaat. Ginio ra nangulau Io ra guang Nano am kalo boo sinugut ukuman ondo' inatang Nano risilo.


Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.


Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”


Kaa' osoi ayuk tumaan saboi ra pupus no bayagon.


Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,


Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.


Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”


Tayar ra bala ru ngaangai' ulun ru Tuhan, indagu ilo, “Kua kia pambaal kau ra baal ondo' malaat ti ri Aki Kapuuno' ru ulun ru Israil? Binaal altar raginio, giminuor kau ra Tuhan! Kalo boo maya' kau Riso!


Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.


Taam i Samuil, “Sasambungon binaal muno. Kalo giminagaya' kou ra susuban ru Tuhan, i Aki Kapuuno' muno, rirun. Amon ru giminagaya' kou, maaru' mangiou Tuhan no rirun am papag muno mamarinta ra Israil ra mantilayun.


Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”


Polos ra pupus ru bayag nano, kalo boo igondo' i Samuil timinuum ra Raja' Saul, kaa' nangiluk guang ri Samuil sabap ra pansagulian Tuhan nampili' ra Raja' Saul nasauk ra raja' ru Israil.


kaa' Raja' Saul am ulun nano kalo namatoi ra Raja' Agag. Kalo niayuk pinatoi nilo domba am sapi' ondo' molomok kaga', anak ru sapi' am anak ru domba ondo' molomok kaga', am ngaangai' ru ondo' mokologo; pinuso nilo ayuk ondo' kolondo' onong am kolondo' logo.


Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”


Kalo naansayan i Samuil ra kitaakon nilono, am nakiasi' io ra Tuhan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ