1 SAMUIL 14:6 - Tanou Moonsoi Timugon

⁶ Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”

1 SAMUIL 14:6 ပူးပေါင်းရင်းမြစ်များ

2 SAMUIL 1:20

Pai' potonowo' tanou raginio giu' ra Gat, kapoam giu' ra ralan mongoborok ru Askilon, pai' masaboi ruandu' ru Palistin magindii, kapoam ruandu' ondo' kalo makaulig ri Aki Kapuuno' maansukan.

2 SAMUIL 16:12

Maaru' lair ra ilain ru Tuhan no kaimbalaan kuno am mambarakat raki' koson ra palit ru ulas nano.”

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

2 TUNUNG RU BANSA' ISRAIL 14:10

Raja' Asa miningkual koson manggal ri Jirag, am sigagama' nangatang ra saujor giu' ra Limayak Jipata mamaar ra Marisa.

2 TUNUNG RU BANSA' ISRAIL 14:11

Nakiasi' Raja' Asa ra Tuhan, i Aki Kapuuno' nano, “Iou Tuhan, masaga' kou mangindangan ra saujor ondo' malawo koson Okou mangindangan ra pulalai ondo' maikang. Raino indangano' akai, iou Tuhan, i Aki Kapuuno' mai, sabap ra lumansan akai Rirun. Ralalom inggalan Muno, akai raino mingkual mangayou ra saujor ondo' maayo ti. Okou no i Aki Kapuuno' mai, iou Tuhan; kolondo' osoi pana malansan makapangala Rirun.”

MAZMUR 135:6

Baalon No atan ondo' kasaga' Nano, giu' ra limbowon kapoam tana' ti; giu' ra raat kapoam tatanga' ru raat ondo' malandom.

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

JIRIMIA 9:25

Indagu Tuhan, “Masaboi paat no ra mangukum Aku ra ulun ru Misir, Jiuda, Idom, Amon, Moab, am mamagun ru tana' kaagisan ondo' nompolontob ra abuk nilo. Ngaangai' ru ulun no sinunatan noyo, kaa' kalo giminagaya' ra nabantuan ondo' tinatanduan ra sunat no. Kolondo' sangulun pana risilo am kolondo' sangulun pana ra ulun ru Israil ondo' giminagaya' ra nabantuan Kuno.”

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

JIPANYA 2:3

Saguli' no ra Tuhan, akau ngaangai' ulun ondo' gumagaya' ra susuban Nano. Baalo' noyo atan ondo' kasagaan ru Tuhan, am painggana' guang mino giu' ra saang Nano. Maaru' lair akau makalabus intor ra ukuman paat ra orou ru Tuhan mampakito ra sangit Nano.

JAKARIA 4:6

Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.

UNTABAN 10:32

Amon ru maya' kou, am ngaangai' ondo' moonsoi ondo' baalon ru Tuhan ramon baalon mai niayuk rirun.”

UNTABAN 31:4

Moonong bansa' ru Israil musiti' mangator ra saribu ngaulun saujor koson mongoi pangayou.”

MATIUS 19:26

Ponontong i Jisus risilo am indagu, “Kaayagan mantilayun ti kalo maalap ru ulun, i Aki Kapuuno' ayuk makapangani' ra kolondo' atan kon kalo mabaal Nano.”

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

JOSUA 14:12

Ginio ra pataaki' noyo intok kabuluran no raki', tana' ondo' binantu' ru Tuhan raki' paat ra orou aku am ulun nabaya' raki' nanaak ra pambalaan. Paat ragili okou galama' nokorongog ra bansa' ru maayo ulun ondo' sabiton ra Inak minayan giu' ra intok raginio ralalom ru bandar mangaayo ondo' mokoondo' ra kubu. Maaru' Tuhan mabaya' raki', am makapapagiru' risilo koson ondo' rinagu ru Tuhan.”

TINGGANAI RU BANSA' 15:18

Kopongo raginio pinaason kaga' i Simson, am pampiau io ra Tuhan, “Nangani' Kou raki' ra kamanangan ondo' maayo ti. Kaa' raino, musiti' aku kia matoi sabap ra pinaason, saboi rokopon ru ulun ru Palistin ondo' kalo makaulig Rirun?”

1 SAMUIL 14:5

Batu maayo ondo' tampilon ra ralayo tumingkuang ra Mikmas, am batu maayo ondo' rondo' poyo, ondo' tampilon ra rabugus tumingkuang ra Giba.

1 SAMUIL 14:7

Taam buayoi no, “Atan ayuk ondo' masaga' mu baalon, mangiou aku.”

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.

1 SAMUIL 17:46

Orou raiti' niayuk Tuhan no mapataak rirun ra ralalom ru kalindu' kutu. Kalaan tokou am manginggulu' ra ulu muno. Pataakin ku inan ru saujor Palistin ra susuit am bibiag maa' raginio akanon. Kon raginio noyo ra titikop ru tana' ti makapandai ra akai, bansa' ru Israil ti mokoondo' ri Aki Kapuuno'.

1 SAMUIL 17:47

Ngaangai' ulun ragiti makakito ra Tuhan no kalo manangilang kapoam manantutura' koson mamayag ra ulun Nano. Magail io mamanang ralalom ru pangayawan, am pataakin No akau ngaangai' no ra ralalom ru kalindu' mai.”

1 SAMUIL 31:4

Kon ru Raja' Saul ra ulun nagibit ra kinandoi nano, “Butuso' ilang muno am potoyo' aku no, maa' raginio pai' ru ulun ru Palistin ondo' kalo nakaulig ri Aki Kapuuno' ti mangkukuli raki', am mamatoi raki'.” Kaa' ulun magibit ra kinandoi no kalo makakau' mambaal raginio. Ginio ra butuso' ru Raja' Saul ilang nano am tobok io galama'.