1 SAMUIL 14:50 - Tanou Moonsoi Timugon

⁵⁰ Andu' ru Raja' Saul iono i Aginoam anak ri Agimaas; panglima saujor ru Raja' Saul iono pantukir nano, i Abnir anak ri Nir. I Nir no kamaman ru Raja' Saul.

1 SAMUIL 14:50 ပူးပေါင်းရင်းမြစ်များ

2 SAMUIL 2:8

I Abnir anak ri Nir, panglima saujor ru Raja' Saul, nagiru' nabaya' ri Isbosit, anak ru Raja' Saul giu' ra Maganaim, giu' ra sandaup ru Sungoi Jordan.

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

1 SAMUIL 17:55

Pakakito Raja' Saul ri Daut giminula' ri Goliat, nangkuot io ri Abnir, panglima saujor nano, “Abnir, osoi ra anak kia buayoi raginio?” Taam i Abnir, “Raja' kuno, kalo nakapandai aku.”

1 SAMUIL 10:14

Kamaman ri Saul no nakakito ri Saul am ulipon nano, am kuati' no ilo, “Ati intor min ti?” Taam i Saul, “Minongoi akai paguyum ra kaladai ondo' natatak, kaa' kalo natuum mai, ongoi akai tuum ri Samuil.”

1 SAMUIL 26:5

Nagindibok i Daut minongoi ra pangkiman ru Raja' Saul, am kakito no ra kim kaalangan ru Raja' Saul no mamaar ri Abnir anak ri Nir, panglima ru saujor. Kim ru Raja' Saul no nakaayan tatanga' am saujor-saujor nano nangkim ra liput no.

1 TUNUNG RU BANSA' ISRAIL 26:28

I Silomit am sasambaloi nano pinalansanan kandoi manalingapu ra ngaangai' ondo' tinaakan koson pakayon ayuk giu' ra ralalom Baloi ru Tuhan, nakaaya' ngaangai' taak ondo' tinaakan ru Nabi Samuil, Raja' Saul, Abnir anak ri Nir am i Joab anak ri Jiruya.

2 SAMUIL 3:6

Liliwa' pangayawan narayus nasauk ra ulun minaya' ra Raja' Daut am ulun minaya' ra Raja' Saul, mirot i Abnir koson kuasa' nano gumayo poyo ra gino ngai' ru ulun minaya' ra Raja' Saul.

2 SAMUIL 3:38

Indagu raja' no ra pagawai-pagawai nano, “Kaala' kano ngaangai' ra paat orou raiti' nailusan takau ra sangulun tingganai maatang ra Israil.