1 SAMUIL 14:38 - Tanou Moonsoi Timugon

³⁸ Raja' Saul pana mindagu boo ra tingganai-tingganai ru mamagun, “Ibok kau ragiti am tutuno' min noyo atan ra tula ondo' binaal ra orou raiti'.

1 SAMUIL 14:38 ပူးပေါင်းရင်းမြစ်များ

2 SAMUIL 18:3

Kaa' taam ilo, “Pai' raja' mai. Amon ru magigiru' akai kalalaat, kapoam sampiruo intor ra suang mai matoi, kalo poyo masamaan pantula', sabap ra okou noyo ondo' uyumon nilo. Okou nogondo' logo no ra mopor ngaribu ngaulun intor ramon. Ginio ra moonsoi poyo mangator kou ra indangan ramon intor ra ralalom ru bandar.”

MAZMUR 47:9

Miluluya' i Aki Kapuuno' ra kurisi' panturungan Nano ondo' matulai; namarinta Io ra ngaangai' bansa'.

JAKARIA 10:4

Mampili' Aku ra ulun manguasa', tingganai am panglima intor ra ilo po ngai' koson mamarinta ra ulun Kuno.

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

MATIUS 21:42

Indagu i Jisus risilo, “Kalo poyo kia igondo' kau nakabasa' ra atan tinulisan ra Buuk Kitab? ‘Batu ondo' kinara' ru ulun-ulun manambaloi ra kolondo' onong nasauk ra batu maatang kaga'. Gitio noyo binaal ru Tuhan; mumpara' boo bonsoi no!’ ”

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

JOSUA 7:11

Makatula noyo ulun ru Israil! Liminungkang ilo ra nabantuan ondo' pinaguutan Kuno risilo. Nangalap ilo ra santayaran kuliamos ondo' pusoon sotopot no. Nantakou ilo ra kuliamos-kuliamos am pagabau poyo. Binulian nilo pabayaa' ra kuliamos nilo galama'.

JOSUA 7:12

Ginio ra kalo makagula' ulun ru Israil ra pantula'. Liminugut ilo kalalaat sabap ra ilo galama' ukumin ra pusoon. Kalo boo mabaya' Aku risilo ondo' ayuk am mamuso ilo ra kuliamos ondo' sotopot no kalo buliin nilo.

TINGGANAI RU BANSA' 20:2

Ngaangai' no 400,000 ngaulun saujor nanakinandoi mangayou ondo' nasauk ra pulalai mantana'. Tingganai-tingganai intor ra moonong bansa' ru Israil niayuk siminaang ra pantimungan ru ulun ri Aki Kapuuno' no.