1 SAMUIL 14:37 - Tanou Moonsoi Timugon

³⁷ Ginio ra nangkuot Raja' Saul ri Aki Kapuuno', “Ongoyon ku kia bulunsaro' ulun ru Palistin? Mangani' Kou kia ra ulun ru Israil ra kamanangan?” Kaa' kalo timinaam i Aki Kapuuno' ra orou raginio.

1 SAMUIL 14:37 ပူးပေါင်းရင်းမြစ်များ

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.

1 RAJA'-RAJA' 22:15

Paat ri Mika muma' ra Raja' Agab, pangkuot io riso, “Mika, maalap kia kabulunsar mai ri Raja' Josapat kapoam kalo Ramot no?” Taam i Mika, “Bulunsaro' noyo. Maaru' mamanang kou raja'. Manaak Tuhan no rirun ra kamanangan.”

1 RAJA'-RAJA' 22:5

Kaa' pangkuot tapo galing ra Tuhan.”

2 SAMUIL 5:23

Igondo' poyo nangkuot Raja' Daut ra Tuhan. Taam Tuhan, “Pai' ilo bulunsaro' intor ragiti. Kaa' ugar no liputo' intok ti am bulunsaro' ilo intor ra talikuron, mamaar ra puun-puun ru kertau.

2 SAMUIL 5:19

Pangkuot Raja' Daut ra Tuhan, “Musiti' ku kia bulunsaron ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Mangani' Aku rirun ra kamanangan.”

1 SAMUIL 23:4

Ginio ra nangkuot poyo i Daut ra Tuhan, am taam Tuhan, “Ongoi no am bulunsaro' noyo bandar Kigila, sabap ra manaak Aku rirun ra kamanangan ra ulun ru Palistin.”

YEHEZKIEL 20:3

“Okou ulun mapandai matoi, ragui' tingganai-tingganai ragitio. Balai' ilo ra Aku, Tuhan Raja' minindagu koson ragitio: Minatong kau koson mangkuot ra kasagaan Kuno, ka kia? Sabap ra Aku, i Aki Kapuuno' ondo' maayag, kalo mompoloso Aku ramuyun mangkuot ra atan ayuk. Aku, Tuhan Raja' nakaindagu noyo.

1 SAMUIL 10:22

Ginio ra kuati' nilo Tuhan, “Iou Tuhan, soroi kinua' ulun no ragiti?” Taam Tuhan, “Nansibuni i Saul giu' ra talikuron ru kuliamos-kuliamos.”

TINGGANAI RU BANSA' 20:18

Ongoi ulun ru Israil ra intok sambayangan giu' ra Bitil am pangkuot ri Aki Kapuuno', “Ati ra bansa' ondo' musiti' no kasaa' mamulunsar ra ulun ru Binjamin?” Taam Tuhan, “Bansa' ru Jiuda.”

TINGGANAI RU BANSA' 1:1

Kopongo i Josua minatoi, pangkuot ulun ru Israil ra Tuhan, “Iou Tuhan, ati kia ra bansa' ondo' musiti' kasaa' mongoi bulunsar ra ulun ru Kanaan?”

1 SAMUIL 23:2

Ginio ra nangkuot io ra Tuhan, “Musiti' ku kia ongoyon bulunsaro' ulun ru Palistin?” Taam Tuhan, “Iou. Bulunsaro' ilo no am bayago' noyo mamagun ru Kigila.”