1 SAMUIL 14:36 - Tanou Moonsoi Timugon

³⁶ Indagu boo Raja' Saul ra ulun-ulun nano, “Ibok ongoi takau bulunsaro' ulun ru Palistin ra rondom no, am takawin ilo saboi matawangan, am niayuk mamatoi risilo ngaangai'.”

1 SAMUIL 14:36 ပူးပေါင်းရင်းမြစ်များ

MAZMUR 73:28

Kaa' guang ku, moonsoi poyo sumoroi mumbir ri Aki Kapuuno'. Makaalap aku ra sindungan intor ra Tuhan Raja', am potonowon ku ngaangai' ondo' binaal Nano.

JISAYA 58:2

Moonong orou ilo sumamba Raki', am makibala' ilo ra atan kasagaan Kuno, koson ayuk ilo no mambaal ra moonsoi, am gumagaya' ra ukum Kuno. Mindagu ilo ra matasu' ilo sumamba Raki' am kitaakon nilo ukum Kuno ondo' matimpok.”

JIRIMIA 6:5

Bulunsaron takau bulintok ra rondom, am mangumok ra kubu-kubu ru bandar no.”

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

JOSUA 10:19

kaa' pai' kau uog ra intok raginio. Ilowo' pantula' am bulunsaro' ilo intor ra tinaulian. Pai' ilo polosoo' mumpos ra bandar nilono! Tuhan i Aki Kapuuno' min nanaak noyo ra kamanangan ramuyun mampaala risilo.”

JOSUA 11:14

Ulun Israil nangalap ra ngaangai' rapu' am bibiag tinambiag intor ra bandar-bandar, kaa' namatoi ilo ra ngaangai' mamagun no. Kolondo' sangulun pana pinoloso naayag.

1 SAMUIL 1:23

Indagu i Ilkana, “Iou, baalo' noyo ondo' ilain mu ra moonsoi. Soroi no ra baloi ti saboi anak tano lumonggo' ra tumiti'. Gama' ru mambaal Tuhan ra bantu' muno totopot masauk.” Siminoroi boo i Ana ra baloi saboi ra anak nano liminonggo' ra tumiti'.

1 SAMUIL 11:11

Suabon no riminondom Raja' Saul nantatayar ra ulun-ulun nano nasauk ra talu ngampulalai. Kopongo raginio, paat ra matatawang, minongoi ilo ra tatanga' ru nangkiman ru ulun ru Amon am namulunsar risilo. Kalo poyo ra tanga' ru orou, kinala noyo pantula' ru saujor-saujor ru Raja' Saul. Ulun ru Amon ondo' kalo minatoi, nantabulias am saboi kolondo' ruo ngaulun ondo' nabaya' ra nagiru'.

1 SAMUIL 14:3

(Imam ondo' nagibit ra efod paat raginio iono i Agiya anak ri Agitub, akupu ri Pinigas anak ri Ili; i Ili ti iono imam ru Tuhan giu' ra Silo. I Agitub ti iono pabukat ri Ikabod.) Kolondo' sangulun ra giu' no naala' ra minugar noyo i Jonatan intor ra intok raginio.