1 SAMUIL 14:35 - Tanou Moonsoi Timugon

³⁵ Raja' Saul pana nambaal boo ra rondo' altar ra tayar ru Tuhan. Ginio noyo altar kasaa' ondo' binaal ru Raja' Saul.

1 SAMUIL 14:35 ပူးပေါင်းရင်းမြစ်များ

2 SAMUIL 24:25

Kopongo raginio nambaal Raja' Daut ra altar ra giu' no ra tayar ru Tuhan, am papataak ra taak simbalui koson mapabansuk ra guang ru Tuhan am niayuk taak simbalui koson makibarakat ra Tuhan. Nangiou Tuhan ra pakiasian ru Raja' Daut, am maruol tumapik ondo' nakatiu' ra Israil no timinaru'.

GOSIA 8:14

“Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

TINGGANAI RU BANSA' 21:4

Suabon no ra iosusuab, nambaal ilo ra rondo' altar ra giu' no. Napataak ilo ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.

1 SAMUIL 14:34

Kopongo raginio rondo' poyo susuban ru Raja' Saul, “Ongoi kano ra mamagun am susubo' noyo ilo magibit ra ngaangai' sapi' am domba ragiti. Moonsoi simbaluyon nilo bibiag no ra tampak ru batu ti am mangakan raginio ragiti. Ilo kalo sotopot no makatula ra Tuhan ra manginta' ra kual ondo' lakat poyo makararaa'.” Rondom raginio niayuk inibit nilo ngaangai' bibiag ra ginaau am sinimbalui ngaangai' no ra giu' no.

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.

1 SAMUIL 7:17

Kopongo raginio masalok io muli' ra baloi nano giu' ra Rama. Giu' no nasauk io niayuk ra akim ru ulun ru Israil. Giu' ra Rama, nambaal io rondo' altar ra tayar ru Tuhan.

1 SAMUIL 7:9

Nanimbalui i Samuil ra sanginan anak domba mamulok am pinataak no ginio ra tayar ru taak simbalui koson mapabansuk ra guang ru Tuhan. Kopongo raginio nakiasi' io ra Tuhan mangindangan ra Israil, am iniou ru Tuhan pakiasian nano.