1 SAMUIL 14:3 - Tanou Moonsoi Timugon

³ (Imam ondo' nagibit ra efod paat raginio iono i Agiya anak ri Agitub, akupu ri Pinigas anak ri Ili; i Ili ti iono imam ru Tuhan giu' ra Silo. I Agitub ti iono pabukat ri Ikabod.) Kolondo' sangulun ra giu' no naala' ra minugar noyo i Jonatan intor ra intok raginio.

1 SAMUIL 14:3 ပူးပေါင်းရင်းမြစ်များ

1 SAMUIL 1:3

Moonong bilor mintor i Ilkana ra Rama am mongoi ra Silo koson sumambayang am mapataak ra taak simbalui ra Tuhan Ondo' Maayo Kaga' Kuasa'. Giu' ra Silo, i Gopni am i Pinigas, iloti anak ri Ili, nasauk ra imam ru Tuhan.

1 SAMUIL 14:36

Indagu boo Raja' Saul ra ulun-ulun nano, “Ibok ongoi takau bulunsaro' ulun ru Palistin ra rondom no, am takawin ilo saboi matawangan, am niayuk mamatoi risilo ngaangai'.”

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.

1 SAMUIL 22:20

Kaa' i Abiatar, sangulun intor ra anak ri Agimilik, nakapagiru'. Minongoi io ri Daut,

1 SAMUIL 4:21

Ininggalanan no anak raginio i Ikabod. Kono, “Nairu' noyo boo ra Israil ti katulayan ri Aki Kapuuno'.” Rinagu no ginio sabap ra Kaban Nabantuan ginaau noyo am iwan nano ra ungkuyon am niayuk ralaki nano minatoi noyo.

1 SAMUIL 4:4

Ginio ra nanusub ilo ra ulun mongoi ra Silo koson mangalap ra Kaban Nabantuan ru Tuhan Ondo' Maayo Kaga' Kuasa', ondo' soroi ra rasawat ru Kirub. Karuruo ngaulun ra anak ri Ili, iono i Gopni am i Pinigas pana minatong nabaya' ra Kaban Nabantuan no.